Sentenza tal-Qorti Ġenerali (It-Tmien Awla) tat-13 ta’ April 2011 – Alder Capital vs UASI – Gimv Nederland (ALDER CAPITAL)

(Kawża T‑209/09)

“Trade mark Komunitarja – Proċedimenti għal dikjarazzjoni ta’ invalidità – Trade mark Komunitarja verbali ALDER CAPITAL – Trade marks verbali preċedenti tal-Benelux Halder u Halder Investments – Trade mark internazzjonali verbali preċedenti Halder – Raġuni relattiva għal rifjut – Probabbiltà ta’ konfużjoni – Artikolu 8(1)(b) u Artikolu 52(1)(a) tar-Regolament (KE) Nru 40/94 [li saru l-Artikolu 8(1)(b) u l-Artikolu 53(1)(a) tar-Regolament (KE) Nru 207/2009] – Użu ġenwin mit-trade mark – Artikolu 15 tar-Regolament Nru 40/94 (li sar l-Artikolu 15 tar-Regolament Nru 207/2009)”

1.                     Trade mark Komunitarja – Proċedura għat-tressiq ta’ kawża – Rikors ippreżentat kontra deċiżjoni meħuda minn dipartiment tal-Uffiċċju – Eżami mill-Bord tal-Appell – Portata – Rikors ippreżentat kontra deċiżjoni li laqgħet oppożizzjoni (Regolament tal-Kunsill Nru 40/94, Artikolu 62(1)) (ara l-punti 20-22)

2.                     Trade mark Komunitarja – Ċessjoni, revoka u invalidità – Eżami tat-talba – Prova tal-użu mit-trade mark preċedenti – Użu ġenwin – Kunċett – Kriterji ta’ evalwazzjoni – Isem tal-kumpannija, isem kummerċjali jew sinjal (Regolament tal-Kunsill Nru 40/94, Artikolu 43(2) u (3)) (ara l-punti 44-48)

3.                     Trade mark Komunitarja – Ċessjoni, revoka u invalidità – Raġunijiet relattivi ta’ invalidità – Eżistenza ta’ trade mark preċedenti identika jew li tixxiebah irreġistrata għal prodotti jew servizzi identiċi jew li jixxiebhu – Probabbiltà ta’ konfużjoni mat-trade mark preċedenti (Regolament tal-Kunsill Nru 40/94, Artikolu 8(1)(b) u 52(1)(a)) (ara l-punti 80, 81, 93)

Suġġett

Rikors ippreżentat kontra d-deċiżjoni tat-Tieni Bord tal-Appell tal-UASI, tal-20 ta’ Frar 2009 (Każ R 486/2008-2), dwar proċedimenti għal dikjarazzjoni ta’ invalidità bejn Halder Holdings BV u Alder Capital Ltd.

Informazzjoni dwar il-kawża

Trade mark Komunitarja rreġistrata li hija s-suġġett ta’ applikazzjoni għal dikjarazzjoni ta’ invalidità:	Trade mark verbali ALDER CAPITAL għal servizzi fil-klassi 36
Proprjetarju tat-trade mark Komunitarja:	Alder Capital Ltd
Parti li qed titlob id-dikjarazzjoni ta’ invalidità tat-trade mark Komunitarja:	Gimv Nederland BV
Dritt tat-trade mark tal-parti li qed titlob id-dikjarazzjoni ta’ invalidità:	Trade marks verbali Halder u Halder Investments irreġistrati fil-Benelux għal servizzi fil-klassijiet 35 u 36; reġistrazzjoni internazzjonali tat-trade mark verbali Halder għal servizzi fil-klassijiet 35 u 36; ismijiet tal-kumpanniji u kummerċjali mhux irreġistrati Halder, Halder Holdings, Halder Investments u Halder Interest użati fin-negozju
Deċiżjoni tad-Diviżjoni tal-Kanċellazzjoni:	Trade mark Komunitarja ddikjarata invalida
Deċiżjoni tal-Bord tal-Appell:	Appell miċħud

Dispożittiv

1) Ir-rikors huwa miċħud.

2) Alder Capital Ltd hija kkundannata għall-ispejjeż, inklużi l-ispejjeż indispensabbli indikati minn Gimv Nederland BV għall-finijiet tal-proċedimenti quddiem il-Bord tal-Appell tal-Uffiċċju għall-Armonizzazzjoni fis-Suqx Intern (Trade marks u Disinni) (UASI).