Iarraidh ar réamhrialú ó Landgericht Ravensburg (an Ghearmáin) a taisceadh an 13 November 2023 – YH agus páirtithe eile v Volkswagen AG
(Cás C-668/23, Volkswagen)
Teanga an cháis: an Ghearmáinis
An chúirt a rinne an tarchur
Landgericht Ravensburg
Páirtithe sna príomhimeachtaí
Iarratasóirí: YH, JD, CN, XU, LO
Cosantóir: Volkswagen AG
Na ceisteanna a tharchuirtear
An féidir éileamh cheannaitheoir na feithicle ar dhamáistí i gcoinne mhonaróir na feithicle mar gheall ar fheithicil atá feistithe le feiste sáraithe neamhdhleathach de réir bhrí Airteagal 5(2) de Rialachán (CE) Uimh. 715/2007 1 a chur ar an margadh go faillíoch a dhiúltú ar na forais,
a) go raibh earráid dhosheachanta ann maidir le nádúr éagórach an ghnímh ar thaobh an mhonaróra?
i gcás go dtabharfar freagra dearfach:
b) go raibh an earráid maidir le cineál éagórach an ghnímh dosheachanta don mhonaróir toisc gur údaraigh an t-údarás atá freagrach as cineálcheadú CE nó as bearta iardain an fheiste sáraithe suiteáilte?
i gcás go dtabharfar freagra dearfach:
c) go raibh an earráid maidir le cineál éagórach an ghnímh dosheachanta don mhonaróir ós rud é go mbeadh léiriú dlíthiúil mhonaróir na feithicle ar Airteagal 5(2) de Rialachán (CE) Uimh. 715/2007 daingnithe ag an údarás atá freagrach as cineálcheadú CE nó as bearta iardain (faomhadh hipitéiseach)?
An gcaithfidh monaróir na feithicle a sheachadann nuashonrú bogearraí cúiteamh a íoc le ceannaitheoir na feithicle más rud é, nuair a ceannaíodh an fheithicil, gur suiteáladh feiste sáraithe neamhdhleathach de réir bhrí Airteagal 5(2) de Rialachán Uimh. 715/2007 le nuashonrú bogearraí agus go ndearnadh damáiste don cheannaitheoir feithicle mar thoradh air?
An bhfuil sé ag luí le dlí an Aontais más rud é, i gcás ceart chun cúitimh i gcoinne mhonaróir na feithicle as feithicil atá feistithe le feiste sáraithe neamhdhleathach de réir bhrí Airteagal 5(2) de Rialachán (CE) Uimh. 715/2007 a chur ar an margadh go faillíoch,
a) nach mór do cheannaitheoir na feithicle glacadh leis go ndéanfar na tairbhí a thagann as úsáid na feithicle a fhritháireamh i gcoinne mhéid an chúitimh, má tá ceannaitheoir na feithicle ag éileamh cúiteamh beag, i gcás ina sáraíonn na tairbhí a thagann as an úsáid, mar aon leis an luach iarmharach, an praghas ceannaigh a íocadh lúide méid an chúitimh?
b) go bhfuil éileamh an cheannaitheora feithicle ar chúiteamh beag teoranta d’uasmhéid 15% den phraghas ceannaigh a íocadh?
____________
1 Rialachán (CE) Uimh. 715/2007 ó Pharlaimint na hEorpa agus ón gComhairle an 20 Meitheamh 2007 maidir le cineálcheadú mótarfheithiclí i dtaca le hastaíochtaí ó fheithiclí éadroma paisinéirí agus tráchtála (Euro 5 agus Euro 6) agus maidir le rochtain ar fhaisnéis faoi dheisiú agus cothabháil feithiclí (IO 2007 L 171, lch. 1).