Breithiúnas na Cúirte Ginearálta an 20 Nollaig 2023 – OCU v BRA
(Cás T-496/18) 1
(Rochtain ar dhoiciméid – Rialachán (CE) Uimh. 1049/2001 – Doiciméid a bhaineann le scéim réitigh arna ghlacadh ag BRA i ndáil le Banco Popular Español – Cinneadh phainéal achomhairc BRA a bhaineann le cinneadh deimhnitheach ó BRA rochtain a dhiúltú – Ceart rochtana ar an gcomhad – Airteagal 41(2) den Chairt um Chearta Bunúsacha)
Teanga an cháis: an Spáinnis
Páirtithe
Iarratasóir: Organización de Consumidores y Usuarios (OCU) (Maidrid, an Spáinn) (ionadaithe: E. Martínez Martínez agus C. López Mélida de Ramón, Dlíodóirí)
Cosantóir: An Bord Réitigh Aonair (ionadaithe: A. Lapresta Bienz, H. Ehlers, M. Fernández Rupérez agus J. Rius Riu, Gníomhairí)
Idiragraithe, mar thaca leis an gcosantóir: Banco Santander, SA (Santander, an Spáinn) (ionadaithe: J. Rodríguez Cárcamo agus A. Rodríguez Conde, Dlíodóirí), an Coimisiún Eorpach (ionadaithe: C. Ehrbar, A. Steiblytė agus P. Němečková, Gníomhairí)
Ábhar
Trína gcaingean de bhun Airteagal 263 CFAE, iarrann an t-iarratasóir go gcuirfí ar neamhní an cinneadh críochnaitheach ó phainéal achomhairc an Bhoird Aonair Réitigh (BRA) an 19 Meitheamh 2018 a bhaineann le Cás 54/2017, maidir le rochtain a dhiúltú ar dhoiciméid a bhaineann le scéim réitigh a glacadh maidir le Banco Popular Español, SA.
An chuid oibríochtúil
Diúltaítear don chaingean.
Ordaítear do Organización de Consumidores y Usuarios (OCU) a chostais féin, mar aon leo siúd arna dtabhú ag an mBord Réitigh Aonair (BRA) agus Banco Santander, SA a íoc.
Ordaítear don Choimisiún Eorpach a chostais féin a íoc.
____________
1 IO C 352, 1.10.2018.