Digriet tal-Qorti Ġenerali tat-13 ta’ Lulju 2011 – N’Guessan vs Il-Kunsill

(Kawża T-352/11)

“Politika barranija u ta’ sigurtà komuni – Miżuri restrittivi adottati fir-rigward tal-Côte d’Ivoire – Rikors għal annullament – Terminu tar-rikors – Tardività – Inammissibbiltà manifesta”

1.                     Rikors għal annullament - Termini - Natura ta’ ordni pubbliku - Eżami ex officio mill-qorti tal-Unjoni (is-sitt paragrafu tal-Artikolu 263 TFUE; Regoli tal-Proċedura tal-Qorti Ġenerali, Artikolu 102(1) u (2)) (ara l-punti 11, 12)

2.                     Rikors għal annullament - Termini - Bidu tad-dekorrenza - Data tal-pubblikazzjoni tal-att inkwistjoni (ir-raba’ u s-sitt paragrafu tal-Artikolu 263 TFUE u t-tieni paragrafu tal-Artikolu 275 TFUE; Regolament tal-Kunsill Nru 560/2005; Deċiżjoni tal-Kunsill 2010/656) (ara l-punt 16)

Suġġett

Talba għal annullament, minn naħa, tad-Deċiżjoni tal-Kunsill 2011/221/PESK, tas-6 ta April 2011, li temenda d-Deċiżjoni 2010/656/PESK li ġġedded il-miżuri restrittivi kontra l-Côte d’Ivoire (ĠU L 93, p. 20), u, min-naħa l-oħra, tar-Regolament tal-Kunsill (UE) Nru 330/2011, tas-6 ta’ April 2011, li jemenda r-Regolament (KE) Nru 560/2005 li jimponi ċerti miżuri restrittivi speċifiċi diretti kontra ċerti persuni u entitajiet minħabba s-sitwazzjoni fil-Côte d’Ivoire (ĠU L 93, p. 10), sa fejn dawn jikkonċernaw lir-rikorrent.

Dispożittiv

1) Ir-rikors huwa miċħud.

2) Affi Pascal N’Guessan għandu jbati l-ispejjeż tiegħu.

3) Ma hemmx lok li tingħata deċiżjoni dwar it-talbiet għal proċedura mħaffa u għal sentenza bi prijorità.