Ordú Uachtarán na Cúirte Ginearálta an 29 Feabhra 2024 – Neuraxpharm Pharmaceuticals v an Coimisiún

(Cás T-1182/23 R) 

(Imeachtaí eatramhacha – Táirgí íocshláinte lena n-úsáid ag an duine – Údarú margaíochta le haghaidh Fúmaráit dé-mheitil Neuraxpharm – Fúmaráit dé-mheitil – Iarratas ar fhorghníomhú a fhionraí – Easpa práinne)

Teanga an cháis : an Béarla

Páirtithe

Iarratasóir: Neuraxpharm Pharmaceuticals, SL (Barcelona, ​​​​an Spáinn) (ionadaithe: K. Roox, T. De Meese, J. Stuyck agus C. Dumont, Dlíodóirí)

Cosantóir: An Coimisiún Eorpach (ionadaithe: A. Spina agus E. Mathieu, Gníomhairí)

Ábhar

Trína iarraidh de bhun Airteagail 278 agus 279 CFAE, iarrann an t-iarratasóir forghníomhú Chinneadh Cur Chun Feidhme C(2023) 8921 final ón gCoimisiún an 13 Nollaig 2023, lena n-aisghairtear Cinneadh Cur Chun Feidhme C(2022) 3254 final an 13 Bealtaine 2022 lena n-údaraítear an táirge íocshláinte lena úsáid ag an duine – Fúmaráit dé-mheitil Neuraxpharm – Fúmaráit dé-mheitil – faoi Rialachán (CE) Uimh. 726/2004 ó Pharlaimint na hEorpa agus ón gComhairle an 31 Márta 2004 lena leagtar síos nósanna imeachta Aontais maidir le húdarú agus maoirseacht táirgí íocshláinte lena n-úsáid ag an duine agus lena mbunaítear Gníomhaireacht Leigheasra Eorpach (IO 2004 L 136, lch. 1), arna leasú, a chur ar fionraí.

An chuid oibríochtúil

Diúltaítear don iarratas ar bhearta eatramhacha.

Forchoimeádtar na costais.

____________