Sentenza tal-Qorti tal-Ġenerali (Ir-Raba’ Awla) tal-15 ta’ Diċembru 2011 – Mövenpick vs UASI (PASSIONATELY SWISS)

(Kawża T-377/09)

“Trade mark Komunitarja – Applikazzjoni għat-trade mark verbali Komunitarja PASSIONATELY SWISS – Raġuni assoluta għal rifjut – Indikazzjoni ġeografika ta’ provenjenza – Assenza ta’ karattru distintiv”

Trade mark Komunitarja - Definizzjoni u kisba tat-trade mark Komunitarja - Raġunijiet assoluti għal rifjut - Trade marks li jikkonsistu esklużivament f’sinjali jew indikazzjonijiet li jistgħu jintużaw sabiex jindikaw il-karatteristiċi ta’ prodott (Regolament tal-Kunsill Nru 207/2009, Artikolu 7(1)(c)) (ara l-punti 21, 39, 44, 45, 48)

Suġġett

Rikors ippreżentat kontra d-deċiżjoni tal-Ewwel Bord tal-Appell tal-UASI, tat-23 ta’ Lulju 2009 (Każ R 1457/2008‑1), dwar applikazzjoni għar-reġistrazzjoni tas-sinjal verbali PASSIONATELY SWISS bħala trade mark Komunitarja.

Dispożittiv

1) Ir-rikors huwa miċħud.

2) Mövenpick Holding hija kkundannata għall-ispejjeż.