Rikors ippreżentat fit-2 ta' April 2007 - Fratex Indústria e Comércio vs L-UASI - USA Track & Field (TRACK & FIELD USA)
(Kawża T-103/07)
Lingwa tar-rikors: il-Portugiż
Partijiet
Rikorrenti: Fratex Indústria e Comércio, Lda. (San Paolo, Brażil) (rappreżentant: B. Braga da Cruz, advogado)
Konvenut: L-Uffiċċju għall-Armonizzazzjoni fis-Suq Intern (trade marks u disinni)
Parti oħra quddiem il-Bord ta' l-Appell : USA Track & Field, Inc
Talbiet tar-rikorrenti
tannulla d-deċiżjoni tar-Raba' Bord ta' l-Appell ta' l-UASI tat-18 ta' Jannar 2007 (proċediment Nru. R. 1061/2005-4):
konsegwentement, tordna lill-UASI jirrifjuta li jirreġistra t-trade mark Komunitarja Nru 168088, għal prodotti fil-klassi 25:
tikkundanna l-UASI jbati l-ispejjeż.
Motivi u argumenti prinċipali
Applikant għat-trade mark komunitarja: USA Track & Field, Inc
Trade mark Komunitarja li intalbet ir-reġistrazzjoni tagħha : trade mark imħallta USA TRACK & FIELD
Proprjetarju tat-trade mark jew tas-sinjal invokat in sostenn ta' l-oppożizzjoni: ir-rikorrenti
Trade mark jew sinjal invokat in sostenn ta' l-oppożizzjoni: TRACK & FIELD
Deċiżjoni tad-Diviżjoni ta' l-Oppożizzjoni: oppożizzjoni milqugħa
Deċiżjoni tal-Bord ta' l-Appell: rikors imressaq mill-USA Track & Field, Inc milqugħ
Motivi invokati: Ir-rikorrenti ssostni li d-deċiżjoni kkontestata tikser l-Artikolu 8 (1)(b) tar-Regolament Nru 40/94
1, peress li hemm probabbiltà ta' konfużjoni għall-konsumaturi, minħabba l-eventwali koeżistenza fis-suq ta' trade marks konfliġġenti, minħabba l-koinċidenza ta' l-espressjoni TRACK & FIELD. Fil-fatt, il-prodotti ddisinjati mit-
trade marks kontroversi huma identiċi u, għalkemm m'hemmx probabbiltà ta' konfużjoni fil-versu sens tal-kelma, hemm dejjem probabbiltà ta' assoċjazzjoni, li hija inkluża fil-probabbiltà ta' konfużjoni, skond l-Artikolu 8(1)(b), finali, ta' l-istess Regolament.
____________1 - Ir-Regolament tal-Kunsill (KE) Nru 40/94 ta' l-20 ta' Diċembru 1993 dwar it-trade mark Komunitarja (ĠU L 1, p.1)