Digriet tal-Qorti tal-Prim'Istanza tal-5 ta' Diċembru 2007 - Schering-Plough Ltd vs Il-Kummissjoni u EMEA
("Rikors għal annullament - Innammissibiltà parzjali - Interess ġuridiku - Rikors li safa' mingħajr skop - Nuqqas ta' ħtieġa li tingħata deċiżjoni")
Lingwa tal-kawża: L-Ingliż
Partijiet
Rikorrenti: Schering-Plough Ltd (Brussell, il-Belġju) (rappreżentanti: G. Berrisch u P. Bogaert, avukati)
Konvenuti: Il-Kummissjoni tal-Komunitajiet Ewropew (rappreżentanti: H. Støvlbæk u M. Shotter, aġenti) u l-Aġenzija Ewropea għall-Valutazzjoni ta' Prodotti Mediċinali (EMEA) (rappreżentanti : inizjalment N. Khan, aġent, assistit minn C. Sherliker, solicitor, sussegwentement C. Sherliker u T. Eicke, barrister)
Parti intervenjenti in sostenn tar-rikorrenti : European Federation of Pharmaceutical Industries and Associations (EFPIA) (Ġinevra, l-Iżvizzera) (rappreżentanti: N Rampal, U. Zinsmeister u D. Waelbroeck, avukati)
Suġġett tal-kawża
Talba għall-annullament ta' l-Att ta' l-14 ta' Frar 2003 ta' l-EMEA li jirrifjuta li ssir emenda msejħa "tat-tip I" fl-isem tal-forma farmaċewtika "lyophilisat oral" "Allex 5 mg oral lyophilisate" għal "Allex Reditabs 5 mg oral lyophilisate".
Dispożittiv
Ir-rikors huwa micħud bħala inammissibbli safejn huwa dirett kontra l-Aġenzija Ewropea għall-Valutazzjoni ta' Prodotti Mediċinali (EMEA).
M'hemmx lok għal deċiżjoni fuq ir-rikors fil-parti diretta kontra l-Kummissjoni.
L-EMEA hija ordnata tbati l-ispejjeż tagħha.
Schering-Plough Ltd hija ordnata tbati l-ispejjeż tal-Kummissjoni, minbarra dawk tagħha.
____________1 - ĠU C 171, 19.7.2003.