Rikors ippreżentat fis-17 ta’ Mejju 2024 – Il-Kummissjoni Ewropea vs Ir-Repubblika Ellenika
(Kawża C-359/24)
Lingwa tal-kawża: il-Grieg
Partijiet
Rikorrent: Il-Kummissjoni Ewropea (rappreżentanti: E. Sanfrutos Cano, S. Kamperou)
Konvenut: Ir-Repubblika Ellenika
Talbiet
Ir-rikorrent jitlob li l-Qorti tal-Ġustizzja:
tikonstata li r-Repubblika Ellenika, billi naqset milli tirrevedi u taġġorna l-pjanijiet ta’ ġestjoni tal-baċin tax-xmara, u billi naqset li tikkomunika kopja tal-aġġornamenti lill-Kummissjoni, kif ukoll billi naqset milli tirrevedi u, fejn xieraq, taġġorna l-pjanijiet ta’ ġestjoni tar-riskju ta’ għargħar u billi naqset milli tagħmel il-verżjoni rriveduta u, possibbilment, aġġornata tagħhom disponibbli għall-Kummissjoni, hija naqset milli tissodisfa l-obbligi tagħha taħt l-Artikolu 13(7) u l-Artikolu 15(1) tad-Direttiva 2000/60/KE tal-Parlament Ewropew u tal-Kunsill. li jistabbilixxi qafas għal azzjoni Komunitarja fil-qasam tal-politika tal-ilma 1 , u tal-Artikolu 14(3) u l-Artikolu 15(1) tad-Direttiva 2007/60/KE tal-Parlament Ewropew u tal-Kunsill dwar il-valutazzjoni u l-immaniġġjar tar-riskji ta’ l-għargħar 2 ;
tikkundanna lil Ir-Repubblika Ellenika għall-ispejjeż.
Motivi u argumenti prinċipali
Il-Kummissjoni Ewropea tqis li r-Repubblika Ellenika ma rrevedietx u ma aġġornatx il-pjanijiet ta' ġestjoni tal-baċin tax-xmara u ma bagħtetx kopji tal-aġġornamenti lill-Kummissjoni fit-termini previsti.
Barra minn hekk, il-Kummissjoni Ewropea tqis li r-Repubblika Ellenika ma rrevedietx u, fejn xieraq, ma aġġornatx il-pjanijiet tal-ġestjoni tar-riskju tal-għargħar fit-termini previsti, u ma poġġietx għad-dispożizzjoni tal-Kummissjoni l-verżjoni rriveduta u, jekk ikun il-każ, aġġornata tar-riskju tal-għargħar. pjanijiet ta’ ġestjoni tar-riskju ta’ għargħar fit-termini previsti.
Għal dawn ir-raġunijiet, ir-Repubblika Ellenika kisret l-Artikolu 13(7) u l-Artikolu 15(1) tad-Direttiva 2000/60/KE, kif ukoll l-Artikolu 14(3) u l-Artikolu 15(1) tad-Direttiva 2007/60/KE.
____________
1 Edizzjoni Speċjali bil-Malti: Kapitolu 15, Vol. 5, p. 275
1 ĠU 2007, L 288, p. 27.