Rikors ippreżentat fis-7 ta’ Ottubru 2014 – Arcofin et vs Il-Kummissjoni
(Kawża T-711/14)
Lingwa tal-kawża: il-Franċiż
Partijiet
Rikorrenti: Arcofin SCRL (Schaerbeek, il-Belġju) Arcopar SCRL (Schaerbeek); u Arcoplus (Schaerbeek) (rappreżentanti: R. B. Martens, A. Verlinden, u C. Maczkovics, avukati)
Konvenuta: Il-Kummissjoni Ewropea
Talbiet tar-rikorrenti
prinċipalment, tannulla, fl-intier tagħha, id-deċiżjoni kkontestata;
sussidjarament, tannulla, fl-intier tagħha, id-deċiżjoni kkontestata, inkwantu hija tiddikjara inkompatibbli mas-suq intern il-miżura ta’ għajnuna, tordna lill-Istat Belġjan jirkupra l-għajnuna u jastjeni minn kull pagament tal-garanzija lill-membri individwali assoċjati tar-rikorrenti;
b’mod iktar sussidjarju, tannulla l-Artikoli 2, 3 u 4 tad-deċiżjoni kkontestata inkwantu dawn l-artikoli jordnaw lil-Istat Belġjan jirkupra l-għajnuna u jastjeni minn kull pagament tal-garanzija lill-membri individwali assoċjati tar-rikorrenti;
fi kwalunkwe każ, tikkundanna lill-Kummissjoni għall-ispejjeż.
Motivi u argumenti prinċipali
Ir-rikorrenti jitolbu l-annullament tad-Deċiżjoni tal-Kummissjoni 2014/686/UE, tat-3 ta’ Lulju 2014 [innotifikata taħt in-numru C (2014) 1021 finali], dwar l-għajnuna mill-Istat implimentata mill-Belġju Skema ta’ garanzija li tipproteġi l-ishma ta’ membri individwali ta’ kooperattivi finanzjarji [Għajnuna mill-Istat SA.33927 (2012/C) (ex 2011/NN) (ĠU L 284, p. 53)
Insostenn tar-rikors tagħhom, ir-rikorrenti jinvokaw ħames motivi.
L-ewwel motiv ibbażat fuq ksur tal-Artikoli 107(1), 108 u t-tieni paragrafu tal-Artikolu 296 TFUE, tal-Artikolu 14 tar-Regolament (KE) Nru 659/1999 1 , tal-prinċipju ta’ motivazzjoni tal-atti ġuridiċi u tar-regoli tal-proċedura li jirregolaw l-oneru u l-amministrazzjoni tal-prova, sa fejn il-Kummissjoni kkonstatat bi żball u mingħajr ma pprovdiet il-motivi, li r-rikorrenti kienu l-uniċi veri benefiċċjarji tal-għajnuna.
It-tieni motiv ibbażat fuq ksur tal-Artikoli 107(1) u t-tieni paragrafu tal-Artikolu 296 TFUE u tal-prinċipju ta’ motivazzjoni tal-atti ġuridiċi u ta’ żball ta’ evalwazzjoni tal-fatti, sa fejn il-Kummissjoni kkonstata,t b’mod żbaljat u mingħajr ma pprovdiet il-motivi, li l-iskema ta’ garanzija kienet tista’ toħloq distorsjoni tal-kompetizzjoni ta’ kooperativi u ta’ fornituri ta’ prodotti ta’ investiment oħra kif ukoll taffettwa l-iskambji bejn Stati Membri. It-tielet motiv, invokat sussidjarament, ibbażat fuq ksur tal-Artikoli 107(3)(b) u 108(2) TFUE u fuq żball manifest ta’ evalwazzjoni, sa fejn il-Kummissjoni ddeċidiet b’mod żbaljat li l-iskema ta’ garanzija hija inkompatibbli mas-suq intern.Ir-rikorrenti jargumentaw li jekk hemm għajnuna mill-Istat, hija kien imissha tiġi ddikjarata kompatibbli mas-suq intern bħala għajnuna intiża sabiex tiġi rrimedjata perturbazzjoni gravi tal-ekonomija Belġjana fis-sens tal-Artikolu 107(3)(b) TFUE.Ir-raba’ motiv, invokat b’mod iktar sussidjarju, ibbażat fuq ksur tal-Artikolu 108(2) TFUE, tal-Artikolu 14(1) tar-Regolament (KE) Nru 659/1999 u tal-prinċipju ta’ aspettattivi leġittimi, sa fejn l-aspettattivi li r-rikorrenti setgħu leġittimament ikollhom f’dak li jirrigwarda l-legalità tal-miżura, jipprekludu li l-Kummissjoni teżiġi l-irkupru tal-għajnuna.Il-ħames motiv, invokat b
’mod iktar sussidjarju, ibbażat fuq ksur tal-Artikoli 107 u 108 TFUE u tar-Regolament (KE) Nru 659/1999, fuq eċċess ta’ poter jew, għall-inqas fuq ksur tal-prinċipju ta’ proporzjonalità, sa fejn id-deċiżjoni li biha l-Kummissjoni tirrikjedi l
il Stat Membru li jadotta miżura partikolari biex twaqqaf l-għajnuna, bħal f’dan il-każ li jastjeni minn kull ħlas lill-membri individwali assoċjati tar-rikorrenti, jaqbeż manifestament il-poteri tal-Kummissjoni jew ikun, għall-inqas, manifestament
sproporzjonat.