Sentenza tal-Qorti Ġenerali tas-7 ta' Marzu 2013 - Rütgers Germany et vs ECHA
(Kawża T-94/10)
("REACH - Identifikazzjoni taż-żejt tal-antraċen bħala sustanza ta' tħassib serju ħafna - Rikors għal annullament - Att li jista' jiġi kkontestat - Att regolamentari li ma jinkludix miżuri ta' eżekuzzjoni - Inċidenza diretta - Ammissibbiltà - Ugwaljanza fit-trattament - Proporzjonalità")
Lingwa tal-kawża: l-Ingliż
Partijiet
Rikorrenti: Rütgers Germany GmbH (Castrop-Rauxel, il-Ġermanja); Rütgers Belgium NV (Zelzate, il-Belġju); Deza, a.s. (Valašske Meziříčí, ir-Repubblika Ċeka); Industrial Química del Nalón, SA (Oviedo, Spanja); u Bilbaína de Alquitranes, SA (Luchana-Baracaldo, Spanja) (rappreżentanti: inizjalment K. Van Maldegem, R. Cana, avukati, u P. Sellar, solicitor, sussegwentement K. Van Maldegem u R. Cana)
Konvenuta: Aġenzija Ewropea għas-Sustanzi Kimiċi (ECHA) (rappreżentanti: M. Heikkilä u W. Broere, aġenti, assistiti minn J. Stuyck, avukat)
Suġġett
Talba għal annullament parzjali tad-deċiżjoni tal-ECHA, ippubblikata fit-13 ta' Jannar 2010, li tidentifika ż-żejt tal-antraċen (KE Nru 292-602-7) bħala sustanza li tissodisfa l-kriterji previsti fl-Artikolu 57 tar-Regolament (KE) Nru 1907/2006 tal-Parlament Ewropew u tal-Kunsill, tat-18 ta' Diċembru 2006, dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, p. 1), b'mod konformi mal-Artikolu 59 ta' dan ir-regolament.
Dispożittiv
1) Ir-rikors huwa miċħud.
2) Rütgers Germany GmbH, Rütgers Belgium NV, Deza, a.s., Industrial Química del Nalón, SA u Bilbaína de Alquitranes, SA huma kkundannati għall-ispejjeż.
____________1 - ĠU C 113, 01.05.2010.