Ordú Uachtarán na Cúirte Ginearálta an 19 Eanáir 2024 – Vivendi v an Coimisiún

(Cás T-1097/23 R) 

(Nós imeachta eatramhach – Iomaíocht – Comhchruinnithe – Iarraidh ar fhaisnéis – Airteagal 11(3) de Rialachán (CE) Uimh. 139/2004 – Iarratas ar bhearta eatramhacha – Easpa práinne)

Teanga an cháis: an Fhraincis

Páirtithe

Iarratasóir: Vivendi SE (Páras, an Fhrainc) (ionadaithe: P. Gassenbach, P. Wilhelm, E. Dumur, O. Thomas, S. Schrameck, F. de Bure agus Y. Boubacir, Dlíodóirí)

Cosantóir: An Coimisiún Eorpach (ionadaithe: P. Caro de Sousa, B. Cullen agus D. Viros, Gníomhairí)

Ábhar:

Lena iarratas bunaithe ar Airteagail 278 agus 279, iarrann an t-iarratasóir, ar an gcéad dul síos, go gcuirfí ar fionraí forghníomhnú Chinneadh C(2023) 6428 final an 19 Meán Fómhair 2023 ón gComhairle, maidir le himeacht de bhun Airteagal 11(3) de Rialachán (CE) Uimh. 139/2004 ón gComhairle (cás M.11184 – Vivendi v Lagardère) (‘Cinneadh an 19 Meán Fómhair 2023’), arna leasú le Cinneadh C(2023) 7463 final an 27 Deireadh Fómhair 2023 ón gCoimisiún (‘Cinneadh an 27 Deireadh Fómhair 2023’), agus, ar an dara dul síos, mar bheart réamhchúraim, go n-ordófar dó na doiciméid go léir a bhaineann le Cinneadh an 19 Meán Fómhair 2023 a choimeád, arna leasú le Cinneadh an 27 Deireadh Fómhair 2023, ar mheán leictreonach tiomnaithe lena seachadadh faoi shéala leictreonach chuig tríú páirtí neamhspleách iontaofa.

An chuid oibríochtúil

Diúltaítear don iarratas ar bhearta eatramhacha.

Cuirtear ordú an 28 Samhain 2023, Vivendi v an Coimisiún (T-1097/23 R) ar ceal.

Forchoimeádtar na costais.

____________