Rikors ippreżentat fl-10 ta' Jannar 2012 - Fabryka Łożysk Tocznych-Kraśnik vs UASI - Impexmetal (KFŁT KRAŚNIK)
(Kawża T-19/12)
Lingwa tar-rikors: il-Pollakk
Partijiet
Rikorrenti: Fabryka Łożysk Tocznych-Kraśnik (Kraśnik, il-Polonja) (rappreżentant: J. Sieklucki, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: Impexmetal S.A. (Varsavja, il-Polonja)
Talbiet
Ir-rikorrenti titlob li l-Qorti Ġenerali jogħġobha:
tannulla d-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) tas-27 ta' Ottubru 2011 (Każ Nru R 2475/2010-1) li ċaħdet ir-reġistrazzjoni ta' KFŁT KRAŚNIK bħala trade mark Komunitarja għall-oġġetti fil-Klassi 7: makkinarju u makkinarju li jagħmel l-għodda; magni b'tagħmir li jdur u partijiet minnhom (ball-bearings, rollers); magni estiżi b'tagħmir li jdur u magni b'gejġijiet kbar;
tikkundanna lill-konvenut u lil IMPEXMETAL S.A. għall-ispejjeż tal-proċeduri, inklużi l-ispejjeż sostnuti mir-rikorrenti fil-proċeduri quddiem il-Bord tal-Appell u d-Diviżjoni tal-Oppożizzjoni tal-Uffiċċju għall-Armonizzazzjoni fis-Suq Intern (Trade marks u Disinni).
Motivi u argumenti prinċipali
Applikant għat-trade mark Komunitarja: ir-rikorrenti.
Trade mark Komunitarja kkonċernata: trade mark viżiva li fiha l-element verbali 'KFŁT KRAŚNIK' għall-oġġetti fil-Klassi 7: makkinarju u makkinarju li jagħmel l-għodda; magni b'tagħmir li jdur u partijiet minnhom (ball-bearings, rollers); magni estiżi b'tagħmir li jdur u magni b'gejġijiet kbar.
Proprjetarju tat-trade mark jew tas-sinjal invokat insostenn tal-oppożizzjoni: parti l-oħra quddiem il-Bord tal-Appell.
Trade mark jew sinjal invokat: Trade marks Komunitarji Nru CTM-3415437 u CTM-3415379, għall-oġġetti fil-Klassi 7, u t-trade marks nazzjonali (Pollakki) Nru PL-45550, PL-45826 u PL-112347, għall-oġġetti fil-Klassi 7.
Deċiżjoni tad-Diviżjoni tal-Oppożizzjoni: oppożizzjoni milqugħa.
Deċiżjoni tal-Bord tal-Appell: appell miċħud.
Motivi invokati: ksur tal-Artikolu 8(1)(b) tar-Regolament Nru 207/2009, sa fejn ġie deċiż li t-trade marks huma simili u li kien hemm probabbiltà ta' konfużjoni, u ksur tal-Artikolu 8(3) tar-Regolament Nru 207/2009.
____________1 - Regolament tal-Kunsill (KE) Nru 207/2009, tas-26 ta' Frar 2009 dwar it-trade mark Komunitarja (ĠU L 78, p. 1).