Rikors ippreżentat fit-12 ta’ Diċembru 2013 – Ir-Repubblika Ċeka vs Il-Kummissjoni
(Kawża T-659/13)
Lingwa tal-kawża: iċ-Ċek
Partijiet
Rikorrenti: Ir-Repubblika Ċeka (rappreżentanti: M. Smolek, J. Vláčil, aġenti)
Konvenuta: Il-Kummissjoni Ewropea
Talbiet
tannulla fl-intier tiegħu r-Regolament ta’ Delega tal-Kummissjoni (UE) Nru 885/2013, tal-15 ta’ Mejju 2013, li jissuplimenta d-Direttiva ITS 2010/40/UE tal-Parlament Ewropew u tal-Kunsill fir-rigward tal-forniment ta’ servizzi ta’ informazzjoni għal postijiet tal-parkeġġ sikuri u siguri għat-trakkijiet u l-vetturi kummerċjali (ĠU L 247, p. 1) u
tikkundanna lill-Kummissjoni Ewropea għall-ispejjeż,
sussidjarjament, tannulla l-Artikoli 3(1), 8 u 9(1)(a) tar-regolament ikkontestat u
tikkundanna lill-Kummissjoni Ewropea għall-ispejjeż.
Motivi u argumenti prinċipali
Insostenn tar-rikors tagħha, ir-rikorrenti tinvoka tliet motivi.
L-ewwel motiv, ibbażat fuq ksur tal-Artikolu 7(1) tad-Direttiva 2010/40/UE 1 flimkien mal-Artikoli 5(1) u 6 tagħha.
F’dan ir-rigward, ir-rikorrenti ssostni li l-Kummissjoni, billi adottat ir-regolament ikkontestat, qabżet il-limiti tal-awtorità stabbilita fl-Artikolu 7(1) tad-Direttiva 2010/40/UE flimkien mal-Artikoli 5(1) u 6 tagħha.It-tieni motiv, ibbażat fuq ksur tal-Artikolu 290 TFUE.Permezz ta’ dan il-motiv, ir-rikorrenti ssostni li l-Kummissjoni, billi adottat ir-regolament ikkontestat, qabżet il-limiti tas-setgħa delegata sabiex tadotta atti mhux leġiżlattivi skont l-Artikolu 290 TFUE.It-tielet motiv, ibbażat fuq ksur tal-Artikolu 13(2) TUE.F’dan ir-rigward, ir-rikorrenti ssostni li l-Kummissjoni, billi adottat ir-regolament ikkontestat, qabżet il-limiti tas-setgħat ikkonferiti lilha mit-Trattati.
________________________1 Direttiva 2010/40/UE tal-P
arlament Ewropew u tal-Kunsill, tas-7 ta’ Lulju 2010, dw