Rikors ippreżentat fl-10 ta’ Diċembru 2013 – The Smiley Company vs UASI (Forma ta’ gallettina)
(Kawża T-656/13)
Lingwa tal-kawża: l-Ingliż
Partijiet
Rikorrenti: The Smiley Company SPRL (Brussell, il-Belġju) (rappreżentant: A. Freitag, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Talbiet
tannulla d-Deċiżjoni tar-Raba’ Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tat-8 ta’ Ottubru 2013, fil-Każ R 997/2013-4;
tordna lill-konvenut ibati l-ispejjeż tal-proċeduri.
Motivi u argumenti prinċipali
Trade mark Komunitarja kkonċernata: it-trade mark tridimensjonali li tirrappreżenta forma ta’ gallettina b’wiċċ daħkani għal prodotti fil-klassijiet 29 u 30 – Applikazzjoni għal trade mark Komunitarja Nru 11 133 683
Deċiżjoni tal-eżaminatur: applikazzjoni miċħuda parzjalment
Deċiżjoni tal-Bord tal-Appell: appell miċħud
Motivi invokati: ksur tal-Artikolu 7(1)(b) tar-Regolament dwar it-trade mark Komunitarja.