Rikors ippreżentat fil-25 ta' April 2012 - Tomana et vs Il-Kunsill u Il-Kummissjoni

(Kawża T-190/12)

Lingwa tal-kawża: l-Ingliż

Partijiet

Rikorrenti: Johannes Tomana (Harare, iż-Żimbabwe); Titus Mehliswa Johna Abu Basutu (Harare); Happyton Mabhuya Bonyongwe (Harare); Flora Buka (Harare); Wayne Bvudzijena (Harare); David Chapfika (Harare); George Charamba (Harare); Faber Edmund Chidarikire (Harare); Tinaye Chigudu (Harare); Aeneas Soko Chigwedere (Harare); Phineas Chihota (Harare); Augustine Chihuri (Harare); Patrick Anthony Chinamasa (Harare); Edward Takaruza Chindori-Chininga (Harare); Joseph Chinotimba (Harare); Tongesai Shadreck Chipanga (Harare); Augustine Chipwere (Harare); Constantine Chiwenga (Harare); Ignatius Morgan Chiminya Chombo (Harare); Martin Dinha (Harare); Nicholas Tasunungurwa Goche (Harare); Gideon Gono (Harare); Cephas T. Gurira (Harare); Stephen Gwekwerere (Harare); Newton Kachepa (Harare); Mike Tichafa Karakadzai (Harare); Saviour Kasukuwere (Harare); Jawet Kazangarare (Harare); Sibangumuzi Khumalo (Harare); Nolbert Kunonga (Harare); Martin Kwainona (Harare); R. Kwenda (Harare); Andrew Langa (Harare); Musarashana Mabunda (Harare); Jason Max Kokerai Machaya (Harare); Joseph Mtakwese Made (Harare); Edna Madzongwe (Harare); Shuvai Ben Mahofa (Harare); Titus Maluleke (Harare); Paul Munyaradzi Mangwana (Harare); Reuben Marumahoko (Harare); G. Mashava (Harare); Angeline Masuku (Harare); Cain Ginyilitshe Ndabazekhaya Mathema (Harare); Thokozile Mathuthu (Harare); Innocent Tonderai Matibiri (Harare); Joel Biggie Matiza (Harare); Brighton Matonga (Harare); Cairo Mhandu (Harare); Fidellis Mhonda (Harare); Amos Bernard Midzi (Harare); Emmerson Dambudzo Mnangagwa (Harare); Kembo Campbell Dugishi Mohadi (Harare); Gilbert Moyo (Harare); Jonathan Nathaniel Moyo (Harare); Sibusio Bussie Moyo (Harare); Simon Khaya Moyo (Harare); S. Mpabanga (Harare); Obert Moses Mpofu (Harare); Cephas George Msipa (Harare); Henry Muchena (Harare); Olivia Nyembesi Muchena (Harare); Oppah Chamu Zvipange Muchinguri (Harare); C. Muchono (Harare); Tobaiwa Mudede (Harare); Isack Stanislaus Gorerazvo Mudenge (Harare); Columbus Mudonhi (Harare); Bothwell Mugariri (Harare); Joyce Teurai Ropa Mujuru (Harare); Isaac Mumba (Harare); Simbarashe Simbanenduku Mumbengegwi (Harare); Herbert Muchemwa Murerwa (Harare); Munyaradzi Musariri (Harare); Christopher Chindoti Mushohwe (Harare); Didymus Noel Edwin Mutasa (Harare); Munacho Thomas Alvar Mutezo (Harare); Ambros Mutinhiri (Harare); S. Mutsvunguma (Harare); Walter Mzembi (Harare); Morgan S. Mzilikazi (Harare); Sylvester Nguni (Harare); Francis Chenayimoyo Dunstan Nhema (Harare); John Landa Nkomo (Harare); Michael Reuben Nyambuya (Harare); Magadzire Hubert Nyanhongo (Harare); Douglas Nyikayaramba (Harare); Sithembiso Gile Glad Nyoni (Harare); David Pagwese Parirenyatwa (Harare); Dani Rangwani (Harare); Engelbert Abel Rugeje (Harare); Victor Tapiwe Chashe Rungani (Harare); Richard Ruwodo (Harare); Stanley Urayayi Sakupwanya (Harare); Tendai Savanhu (Harare); Sydney Tigere Sekeramayi (Harare); Lovemore Sekeremayi (Harare); Webster Kotiwani Shamu (Harare); Nathan Marwirakuwa Shamuyarira (Harare); Perence Samson Chikerema Shiri (Harare); Etherton Shungu (Harare); Chris Sibanda (Harare); Jabulani Sibanda (Harare); Misheck Julius Mpande Sibanda (Harare); Phillip Valerio Sibanda (Harare); David Sigauke (Harare); Absolom Sikosana (Harare); Nathaniel Charles Tarumbwa (Harare); Edmore Veterai (Harare); Patrick Zhuwao (Harare); Paradzai Willings Zimondi (Harare); Cold Comfort Farm Cooperative Trust (Harare); Comoil (Private) Ltd (Harare); Divine Homes (Private) Ltd (Harare); Famba Safaris (Private) Ltd (Harare); Jongwe Printing and Publishing Company (Private) Ltd (Harare); M & S Syndicate (Private) Ltd (Harare); Osleg (Private) Ltd (Harare); Swift Investments (Private) Ltd (Harare); Zidco Holdings (Private) Ltd (Harare); Zimbabwe Defence Industries (Private) Ltd (Harare); Zimbabwe Mining Development Corp. (Harare) (rappreżentanti: D. Vaughan, QC (Queen's Counsel), M. Lester u R. Lööf, Barristers, u M. O'Kane, Solicitor)

Konvenuti: Il-Kummissjoni Ewropea, Il-Kunsill tal-Unjoni Ewropea

Talbiet

Ir-rikorrenti jitolbu li l-Qorti Ġenerali jogħġobha:

tannulla d-Deċiżjoni tal-Kunsill 2012/97/PESK, tas-17 ta' Frar 2012, li temenda d-Deċiżjoni 2011/101/PESK dwar miżuri restrittivi kontra ż-Żimbabwe (ĠU L 47, p. 50), sa fejn din tikkonċerna lir-rikorrenti;

tannulla r-Regolament ta' Implimentazzjoni tal-Kummissjoni (UE) Nru 151/2012, tal-21 ta' Frar 2012, li jemenda r-Regolament tal-Kunsill (KE) Nru 314/2004 dwar ċertu miżuri restrittivi fir-rigward taż-Żimbabwe (ĠU L 49, p. 2), sa fejn dan jikkonċerna lir-rikorrenti;

tannulla d-Deċiżjoni ta' Implimentazzjoni tal-Kunsill 2012/124/PESK, tas-27 ta' Frar 2012, li timplimenta d-Deċiżjoni 2011/101/PESK dwar miżuri restrittivi kontra ż-Żimbabwe (ĠU L 54, p. 20), sa fejn din tikkonċerna lir-rikorrenti; u

tordna lill-konvenuti jbatu l-ispejjeż tar-rikorrenti.

Motivi u argumenti prinċipali

Insostenn tar-rikors tagħhom, ir-rikorrenti jinvokaw ħames motivi.

L-ewwel motiv jallega li l-konvenuti inkludew persuni u entitajiet mingħajr il-bażi legali xierqa biex jagħmlu dan. La l-Kunsill u lanqas il-Kummissjoni ma għandhom is-setgħa li jimponu miżuri restrittivi fuq atturi mhux Statali fiż-Żimbabwe sempliċement abbażi ta' allegazzjonijiet mhux sostanzjati ta' imġiba kriminali fiż-Żimbabwe. F'ħafna mill-każi, l-allegazzjonijiet mhux sostanzjati allegatament seħħew anki qabel ma ġie stabbilit il-Gvern tal-Għaqda Nazzjonali (Government of National Unity). L-istitutzzjonijiet aġixxew lil hinn mill-kompetenza limitata tagħhom fi kwistjonijiet kriminali, u l-miżuri inkwistjoni ma humiex xierqa u huma sproporzjonati għal kwalunkwe għan tal-Politika Barranija u ta' Sigurtà Komuni.

It-tieni motiv jallega li l-konvenuti żbaljaw b'mod manifest meta qiesu li l-kriterji għat-tniżżil fil-lista, imniżżla fil-miżuri kkontestati, kienu ssodisfati, u dan għaliex:

il-konvenuti ma kinux legalment intitolati li jinkludu rikorrenti sempliċement abbażi ta' asserzjonijiet li huma membri ZANU-PF tal-Gvern taż-Żimbabwe jew assoċjat ta' tali persuna; u

il-konvenuti ma kinux legalment intitolati li jinkludu rikorrenti abbażi ta' allegazzjonijiet vagi u mhux sostanzjati ta' mġiba ħażina li ġiet indikata li seħħet fil-passat, f'ħafna każijiet qabel ma l-Gvern tal-Għaqda Nazzjonali ġie stabbilit.

It-tielet motiv jallega li l-konvenuti naqsu milli jagħtu raġunijiet adegwati u suffiċjenti sabiex jinkludu persuni u entitajiet fil-miżuri kkontestati.

Ir-raba' motiv jallega li l-konvenuti naqsu milli jissalvagwardjaw id-drittijiet ta' difiża u ta' stħarriġ ġudizzjarju effettiv, peress li:

il-konvenuti ma taw ebda informazzjoni jew evidenza biex isostnu l-asserzjonijiet vagi tagħhom ta' mġiba ħażina gravi, u

il-konvenuti ma taw ebda oportunità lir-rikorrenti sabiex jikkummentaw dwar il-każ u l-evidenza kontrihom.

Il-ħames motiv jallega li l-konvenuti kisru, mingħajr ġustifikazzjoni jew proporzjon, id-drittijiet fundamentali tar-rikorrenti, inkluż id-dritt tagħhom għall-protezzjoni tal-proprjetà tagħom, tan-negozju tagħhom, tar-reputazzjoni tagħhom u tal-ħajja privata u familjari tagħhom.

____________