Rikors ippreżentat fl-10 ta' Mejju 2011 - Sanco vs UASI- Marsalman (Rappreżentazzjoni ta' tiġieġa)

(Kawża T-249/11)

Lingwa tar-rikors: l-Ispanjol

Partijiet

Rikorrenti: Sanco, SA (Barcelona, Spanja) (rappreżentanti: A. Segura Roda, avukat)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Parti oħra fil-proċedimenti quddiem il-Bord tal-Appell: Marsalman, SL (Barcelona, Spanja)

Talbiet

Ir-rikorrenti titlob lill-Qorti Ġenerali jogħġobha:

tikkonstata li r-rikors kontra d-deċiżjoni tat-Tieni Bord tal-Appell tal-UASI tas-17 ta' Frar 2011, fil-Każ R 1073/2010-2, ġie ppreżentat fit-terminu u fil-forma stabbiliti mil-liġi u, permezz ta' proċedura xierqa, tannulla l-imsemmija deċiżjoni u tirrifjuta r-reġistrazzjoni tat-trade mark Komunitarja Nru 6.675.383 għall-klassijiet kollha u tikkundanna lill-UASI għall-ispejjeż.

Motivi u argumenti prinċipali

Applikant għat-trade mark Komunitarja: Marsalman, SL.

Trade mark Komunitarja kkonċernata: trade mark figurattiva mingħajr element testwali li tinkludi l-grafika ta' tiġieġa fi gwarniċ semi-ċirkolari (Applikazzjoni għal reġistrazzjoni Nru 6.675.383), għal prodotti fil-klassi 29 u għal servizzi fil-klassijiet 35 u 39.

Proprjetarju tat-trade mark jew tas-sinjal invokat insostenn tal-oppożizzjoni: ir-rikorrenti.

Trade mark jew sinjal invokat: trade mark Spanjola mingħajr elementi testwali li tinkludi l-grafika ta' tiġieġa fi gwarniċ ovali (Nru 2.727.182) għal prodotti fil-klassijiet 29 u 31.

Deċiżjoni tad-Diviżjoni tal-Oppożizzjoni: oppożizzjoni milqugħa parzjalment.

Deċiżjoni tal-Bord tal-Appell: appell miċħud.

Motivi invokati: applikazzjoni u interpretazzjoni żbaljata tal-Artikolu 8(1)(b) tar-Regolament Nru 207/2009.

____________