Caingean arna tabhairt an 29 Bealtaine 2024 – Nuctech Warsaw agus Nuctech Netherlands v an Coimisiún
(Cás T-284/24)
Teanga an cháis: an Béarla
Páirtithe
Iarratasóirí: Nuctech Warsaw Co. Ltd sp. z o.o. (Vársá, an Pholainn), Nuctech Netherlands BV (Rotterdam, an Ísiltír) (ionadaithe: J.-F. Bellis agus S. Ross, Dlíodóirí)
Cosantóir: An Coimisiún Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
Cinneadh ón gCoimisiún an 16 Aibreán 2024 lena cheanglaítear ar ghnóthas atá gníomhach in earnáil na gcóras braite bagairtí chun géilleadh do chigireachtaí de bhun Airteagal 14(3) de Rialachán (AE) 2022/2560 ó Pharlaimint na hEorpa agus ón gComhairle 1 (i gcomhthéacs Cás FS.100068 – MARE), mar aon le haon ghníomhaíocht nó iarraidh ón gCoimisiún agus iarratais ar chaomhnú dlithiúil, amhail iarratas faisnéise maidir le sonraí arna stóráil i nDaon-Phoblacht na Síne;
a ordú don Choimisiún costais na n-imeachtaí a íoc.
Saincheisteanna dlí agus príomhargóintí
Mar thaca leis an gcaingean, maíonn an t-iarratasóir cúig shaincheist dlí.
An chéad saincheist dlí lena n-éilítear go bhfuil cinneadh na cigireachta neamhdhleathach a mhéid a airbheartaítear a údarú don Choimisiún, faoi bhagairt pionóis, faisnéis a iarraidh ó eintiteas Nuctech lonnaithe lasmuigh den Aontas Eorpach.
An dara saincheist dlí lena n-éilítear go bhfuil cinneadh na cigireachta neamhdhleathach a mhéid a chuirfeadh comhlíonadh an chinnidh iallach ar an eintiteas dlí na Síne a shárú, lena n-áirítear an dlí coiriúil.
An tríú saincheist dlí lena n-éilítear go sáraítear le cinneadh na cigireachta ceart na n-iarratasóirí chun dosháraitheachta a háitreabh gnó agus a phríobháideachas (Airteagal 7 den Chairt um Chearta Bunúsacha an Aontas Eorpaigh).
An ceathrú saincheist dlí lena n-éilítear go bhfuil cinneadh na cigireachta treallach de bhrí nach raibh comharthaí leordhóthanach ag an gCoimisiún chun drochamhras a bheith air go bhfuair na hiarratasóirí fóirdheontais eachtracha as ar tháinig saobhadh sa mhargadh inmheánach.
An cúigiú saincheist dlí lena n-éilítear gur sháraíodh le cinneadh na cigireachta Airteagal 14(3) de Rialachán (AE) 2022/2560, oibleagáidí an Choimisiúin cúiseanna a lua faoi Airteagal 296(2) CFAE, agus an ceart chun cosanta atá ag na hiarratasóirí.
____________
1 Rialachán (AE) 2022/2560 ó Pharlaimint na hEorpa agus ón gComhairle an 14 Nollaig 2022 maidir le fóirdheontais eachtracha lena saobhtar an margadh inmheánach (IO 2022 L 330, lch. 1).