Achomharc arna thabhairt an 30 Aibreán 2024 ag an gCoimisiún Eorpach i gcoinne bhreithiúnas na Cúirte Ginearálta (an Naoú Dlísheomra méadaithe) a tugadh an 21 Feabhra 2024 i gCás T-762/20, Sinopec Chongqing SVW Chemical agus páirtithe eile v an Chomhairle
(Cás C-319/24 P)
Teanga an cháis: an Béarla
Páirtithe
Iarratasóir: An Coimisiún Eorpach (ionadaithe: G. Gattinara, G. Luengo agus J. Zieliński, Gníomhairí)
Páirtithe eile sna himeachtaí: Sinopec Chongqing SVW Chemical Co. Ltd, Sinopec Great Wall Energy & Chemical (Ningxia) Co. Ltd, Central-China Company, Sinopec Chemical Commercial Holding Co. Ltd, Parlaimint na hEorpa, Comhairle an Aontais Eorpaigh, Kuraray Europe GmbH, Sekisui Specialty Chemicals Europe SL, Wegochem Europe BV
An t-ordú atá á lorg
Iarrann an t-iarratasóir ar an gCúirt Bhreithiúnais:
an breithiúnas atá faoi achomharc a chur ar ceal;
a ordú do na hiarratasóirí ag an gcéad chéim costais an achomhairc agus costais an chéad chéim a íoc.
Saincheisteanna dlí agus príomhargóintí
Maíonn an t-iarratasóir trí shaincheist dlí mar thaca lena achomharc:
An chéad saincheist dlí lena n-éilítear go ndearna an Chúirt Ghinearálta earráid ina léiriú agus ina cur i bhfeidhm ar Airteagal 18 de Rialachán (AE) 2016/1036 1 (‘an bun-rialachán’) agus í á chinneadh go ndearna an Coimisiún earráid dlí trí úsáid a bhaint as na gnáthluachanna is airde de na táirgeoirí onnmhairiúcháin comhoibríocha eile mar fhíorais atá ar fáil do gach cineál táirge i gcás inar mhainnigh Sinopec Ningxia an fhaisnéis riachtanach a sholáthar.
An dara saincheist dlí lena n-éilítear go ndearna an Chúirt Ghinearálta earráid ina léiriú agus ina cur i bhfeidhm ar Airteagal 2(10) den bhun-rialachán, chomh maith le prionsabal an dea-riaracháin, agus gur shaobhadh sí na fíorais agus í á chinneadh gur mhainnigh an Coimisiún a léiriú go raibh gá le roinnt coigeartuithe ar an bpraghas onnmhairiúcháin chun comparáid chothrom a dhéanamh, gur chomhlíon an t-iarratasóir an dualgas cruthúnais riachtanaigh faoi Airteagal 2(10) den bhun-rialachán, agus gur fhorchuir an Coimisiún dualgas míréasúnta trína chinneadh go raibh an iarraidh ar choigeartuithe gan bhunús.
An tríú saincheist dlí lena n-éilítear go ndearna an Chúirt Ghinearálta earráid i léiriú agus i gcur i bhfeidhm ar Airteagal 2(10)(i) den bhun-rialachán agus go ndearna sí earráid dlí agus dualgas cruthúnais an Choimisiúin á shainiú maidir le cinneadh an Choimisiúin gur chomhlíon Sinopec Central-China feidhmeanna amhail le gníomhaire ag obair ar bhonn coimisiúin.
____________
1 Rialachán (AE) 2016/1036 ó Pharlaimint na hEorpa agus ón gComhairle an 8 Meitheamh 2016 maidir le cosaint i gcoinne allmhairí dumpáilte ó thíortha nach baill den Aontas Eorpach iad (IO 2016 L 176, lch. 21).