Caingean arna tabhairt an 29 Samhain 2023 –     Meucci v an Pharlaimint agus SEGS

(Cás T-1123/23)

Teanga an cháis: an Fhraincis

Páirtithe

Iarratasóir: Paolo Meucci (Addis Ababa, an Aetóip) (ionadaithe: L. Levi agus A. Champetier, Dlíodóirí)

Cosantóir: Parlaimint na hEorpa agus an tSeirbhís Eorpach Gníomhaíochta Seachtraí

An t-ordú atá á lorg

Iarrann an t-iarratasóir ar an gCúirt Ghinearálta:

a dhearbhú go bhfuil an chaingean seo inghlactha agus go bhfuil bunús maith leis;

dá réir sin:

na cinntí a chur ar neamhní:

ó Pharlaimint na hEorpa an 24 Deireadh Fómhair 2023 ón Uachtarán Roberta Metsola, lena n-údaraítear don iarratasóir leanúint dá ghníomhaíocht tar éis 66 bliana d'aois go dtí an 30 Samhain 2023;

ó Pharlaimint na hEorpa an 24 Deireadh Fómhair, 2023 ón Ard-Rúnaí Alessandro Chiocchetti, lena n-údaraítear an t-iarratasóir a thabhairt ar iasacht chun leasa na seirbhíse do SEGS go dtí an 30 Samhain 2023 amháin;

ó Pharlaimint na hEorpa an 9 Samhain, 2023 ón Ard-Rúnaí Alessandro Chiocchetti ag athbhunú an iarratasóra chuig Ardrúnaíocht na Parlaiminte agus á scor le héifeacht ón 30 Samhain 2023;

ón tSeirbhís Eorpach Gníomhaíochta Seachtraí an 13 Samhain 2023 lena gcuirtear deireadh le sannadh an iarratasóra laistigh den roinn pholaitiúil – an fo-alt Gnóthaí Parlaiminte de thoscaireacht an Aontais Afracaigh amhail an 30 Samhain 2023;

a ordú do na cosantóirí na costais go léir a íoc.

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir ceithre shaincheist dlí.

An chéad saincheist dlí lena n-éilítear sárú ar an dualgas cúiseanna a sholáthar.

An dara saincheist dlí lena n-éilítear earráid fhollasach measúnaithe agus sárú ar leas na seirbhíse.

An tríú saincheist dlí lena n-éilítear sárú ar phrionsabal na deimhneachta dlíthiúla agus ar phrionsabal na n-ionchais dhlisteanacha.

An ceathrú saincheist dlí lena n-éilítear sárú ar an dualgas cúraim.

____________