Sentenza tal-Qorti Ġenerali (It-Tmien Awla) tal-24 ta’ Novembru 2010 – Il‑Kummissjoni vs Irish Electricity Generating
(Kawża T-323/09)
“Klawżola ta’ arbitraġġ – Kuntratt konkluż fil-kuntest ta’ programm speċifiku ta’ riċerka, ta’ żvilupp teknoloġiku, inkluża d-dimostrazzjoni, fil-qasam tal-enerġija mhux nukleari (1994-1998) – Nuqqas ta’ eżekuzzjoni tal-kuntratt – Rimbors tas-somom imħallsa bil-quddiem – Interessi moratorji – Proċedura fil-kontumaċja”
1. Proċedura - Kawża mressqa quddiem il-Qorti Ġenerali abbażi ta’ klawżola ta’ arbitraġġ - Kuntratt li jagħti għajnuna finanzjarja Komunitarja għat-twettiq ta’ proġett fil-qasam tal-enerġija mhux nukleari - Ammont tal-ispejjeż ammissibbli approvati li huwa inqas mill-ammont tas-somma mħallsa bil-quddiem mill-Kummissjoni - Talba tal-Kummissjoni għar-rimbors tal-ammont żejjed imħallas - Obbligu għall-parti kontraenti li tipproduċi prova tal-eżistenza u tan-neċessità tal-ispejjeż iddikjarati lill-Kummissjoni għall-eżekuzzjoni tal-proġett (Artikolu 238 KE) (ara l-punti 60, 61)
2. Proċedura - Kawża mressqa quddiem il-Qorti Ġenerali abbażi ta’ klawżola ta’ arbitraġġ - Kuntratt li jagħti għajnuna finanzjarja Komunitarja għat-twettiq ta’ proġett fil-qasam tal-enerġija mhux nukleari - Ammont tal-ispejjeż ammissibbli approvati li huwa inqas mill-ammont tas-somma mħallsa bil-quddiem mill-Kummissjoni - Dritt għar-rimbors parzjali tas-somma mħallsa bil-quddiem, flimkien mal-interessi moratorji - Rata tal-interessi moratorji, mitluba mill-Kummissjoni, li hija inqas minn dik ikkalkolata skont ir-regoli tad-dritt nazzjonali applikabbli (Artikolu 238 KE) (ara l-punti 73-76)
Suġġett
| Rikors ibbażat fuq klawżola ta’ arbitraġġ intiż sabiex tinkiseb il-kundanna ta’ Irish Electricity Generating Co. Ltd sabiex tirrimborsa s-somma ta’ EUR 180 664.70 li tikkorrispondi għal parti mill-ħasijiet bil-quddiem li l-Kummissjoni kienet ħallsitha fil-kuntest tal-kuntratt WE/178/97/IE/GB, flimkien mal-interessi moratorji. |
Dispożittiv
1) | | Irish Electricity Generating Co. Ltd hija kkundannata tirrimborsa lill-Kummissjoni Ewropea s-somma ta’ EUR 180 664.70, flimkien mal-interessi moratorji: |
– bir-rata ta’ 5.56 % fis-sena mill-25 ta’ Awwissu 2003 sad-data ta’ din is-sentenza;
– bir-rata annwali applikata skont il-liġi Irlandiża, jiġifieri attwalment l-Artikolu 26 tad-Debtors (Ireland) Act, 1840 (liġi dwar id-debituri), emendat, sa limitu ta’ rata ta’ 5.56 % fis-sena, mid-data ta’ din is sentenza, sal-clearance sħiħ tad-dejn.
2) | | Irish Electricity Generating hija kkundannata għall-ispejjeż. |