Sentenza tal-Qorti Ġenerali tas-17 ta’ April 2024 – NLVOW vs Il-Kummissjoni
(Kawża T-331/22) 1
(“Ambjent – Pjan integrat għall-enerġija u għall-klima tal-Pajjiżi l-Baxxi li jkopri l-perijodu 2021-2030 – Talba għal eżami mill-ġdid intern – Artikolu 10(1) tar-Regolament (KE) Nru 1367/2006 – Ċaħda tat-talba – Rikors għal annullament – Żball ta’ evalwazzjoni – Rikors għal nuqqas li tittieħed azzjoni – Assenza ta’ talba li tittieħed azzjoni – Inammissibbiltà”)
Lingwa tal-kawża: l-Ingliż
Partijiet
Rikorrent: Nederlandse Vereniging Omwonenden Windturbines (NLVOW) (Annerveenschekanaal, il-Pajjiżi l-Baxxi) (rappreżentant: G. Byrne, barrister)
Konvenut: Il-Kummissjoni Ewropea (rappreżentanti: B. De Meester u G. Gattinara, aġenti)
Intervenjenti insostenn tar-rikorrenti: Fédération environnement durable (Pariġi, Franza) (rappreżentant: G. Byrne, barrister), People Over Wind (POW) (Ballyroan, l-Irlanda) (rappreżentant: G. Byrne, barrister)
Intervenjenti insostenn tal-kovenut: Il-Parlament Ewropew (rappreżentanti: O. Denkov u J. Etienne, aġenti), Il-Kunsill tal-Unjoni Ewropea (rappreżentanti: L. Vétillard u J. Himmanen, aġenti)
Suġġett
Permezz tar-rikors tagħha, ir-rikorrenti titlob, minn naħa u prinċipalment, abbażi tal-Artikolu 263 TFUE, l-annullament tad-deċiżjoni tal-Kummissjoni Ewropea nnotifikata b’ittra tal-1 ta’ April 2022 u li tiċħad it-talba għal eżami mill-ġdid intern li hija ressqet fil-15 ta’ Diċembru 2021 u, min-naħa l-oħra u sussidjarjament, abbażi tal-Artikolu 265 TFUE, il-konstatazzjoni li hija astjeniet b’mod illegali milli taġixxi skont l-għan tat-talba tagħha tal-10 ta’ Diċembru 2021 dwar il-Pjan Nazzjonali Integrat għall-Enerġija u għall-Klima tar-Renju tal-Pajjiżi l-Baxxi li jkopri l-perijodu 2021-2030.
Dispożittiv
Ir-rikors huwa miċħud.
Nederlandse Vereniging Omwonenden Windturbines (NLVOW) hija kkundannata tbati, minbarra l-ispejjeż tagħha stess, dawk sostnuti mill-Kummissjoni Ewropea.
Il-Parlament Ewropew, il-Kunsill tal-Unjoni Ewropea, Fédération environnement durable u People Over Wind (POW) għandhom ibatu l-ispejjeż tagħhom stess.
____________
1 ĠU C 311, 16.8.2022.