Digriet tal-Qorti tal-Prim'Istanza tat-23 ta' Settembru 2008 - Cemex Polska vs Il-Kummissjoni
(Kawża T-203/07)
("Rikors għal annullament - Direttiva 2003/87/KE - Skema għall-iskambju ta' kwoti ta' emissjonijiet ta' gassijiet serra - Pjan nazzjonali tal-allokazzjonijiet ta' kwoti ta' emissjonijiet għall-Polonja għall-perijodu mill-2008 sal-2012 - Deċiżjoni tal-Kummissjoni li ma tqajjimx oġġezzjonijiet taħt ċerti kundizzjonijiet - Kompetenza tal-Istati Membri fit-tqassim individwali tal-kwoti ta' emissjonijiet - Nuqqas ta' interess dirett - Inammissibbiltà")
Lingwa tal-kawża: Il-Pollakk
Partijiet
Rikorrenti: Cemex Polska sp. z o.o. (Varsavja, il-Polonja) (rappreżentanti: F. Puel u M. Szpunar, avukati)
Konvenuta: Il-Kummissjoni tal-Komunitajiet Ewropej (rappreżentanti: U. Wölker u K. Herrmann, aġenti)
Suġġett
Talba għall-annullament tad-Deċiżjoni tal-Kummissjoni C (2007) 1295 finali, tas-26 ta' Marzu 2007, dwar il-pjan nazzjonali tal-allokazzjonijiet ta' kwoti ta' emissjonijiet ta' gassijiet serra nnotifikat mir-Repubblika tal-Polonja għall-perijodu mill-2008 sal-2012, skont id-Direttiva 2003/87/KE tal-Parlament Ewropew u tal-Kunsill, tat-13 ta' Ottubru 2003, li tistabbilixxi skema għall-iskambju ta' kwoti ta' emissjonijiet ta' gassijiet serra ġewwa l-Komunità u li temenda d-Direttiva [tal-Kunsill] 96/61/KE (ĠU L 275, p. 32).
Dispożittiv
Ir-rikors huwa miċħud bħala inammissibbli.
Cemex Polska sp. z o.o. għandha tbati l-ispejjeż tagħha stess kif ukoll dawk sostnuti mill-Kummissjoni.
____________1 - ĠU C 170, 21.7.2007.