Digriet tal‑President tal-Qorti Ġenerali tas‑16 ta’ Frar 2017 – Gollnisch vs Il‑Parlament
(Kawża T‑624/16 R)
“Proċeduri għal miżuri provviżorji – Membru tal-Parlament Ewropew – Irkupru permezz ta’ tpaċija ta’ allowances imħallsa abbażi tar-rimbors tal-ispejjeż ta’ assistenza parlamentari – Talba għas-sospensjoni tal-eżekuzzjoni – Nuqqas ta’ urġenza”
1. Proċeduri għal miżuri provviżorji – Sospensjoni tal-eżekuzzjoni – Miżuri provviżorji – Kundizzjonijiet għall-għoti – “Fumus boni juris” – Urġenza – Dannu gravi u irreparabbli – Natura kumulattiva – Ibbilanċjar tal-interessi kollha inkwistjoni – Ordni ta’ eżami u metodu ta’ verifika – Setgħa diskrezzjonali tal-Imħallef għal miżuri provviżorji
(Artikoli 256(1) TFUE, 278 TFUE u 279 TFUE, Regoli tal-Proċedura tal-Qorti Ġenerali, Artikolu 156(3))
(ara l-punti 16-18)
2. Proċeduri għal miżuri provviżorji – Sospensjoni tal-eżekuzzjoni – Miżuri provviżorji – Kundizzjonijiet għall-għoti – Urġenza – Dannu gravi u irreparabbli – Oneru tal-prova – Dannu finanzjarju – Obbligu li jiġu pprovduti indikazzjonijiet konkreti u preċiżi, sostnuti bi provi dokumentarji fid-dettall
(Artikoli 256(1) TFUE, 278 TFUE u 279 TFUE, Regoli tal-Proċedura tal-Qorti Ġenerali, Artikolu 156(3))
(ara l-punti 23, 24)
3. Proċeduri għal miżuri provviżorji – Sospensjoni tal-eżekuzzjoni – Miżuri provviżorji – Kundizzjonijiet għall-għoti – Urġenza – Dannu gravi u irreparabbli – Oneru tal-prova – Dannu purament ipotetiku bbażat fuq is-seħħ ta’ avvenimenti futuri u inċerti – Natura insuffiċjenti biex tiġi ġġustifikata l-urġenza – Nota ta’ debitu ta’ istituzzjoni mingħajr natura eżekuttiva – Nuqqas ta’ urġenza
(Artikoli 278 TFUE, 279 TFUE u paragrafu 1 tal-Artikolu 299 TFUE; Regolament tal-Parlament u tal-Kunsill Nru 966/2012, Artikolu 79(2))
(ara l-punti 25, 49, 50, 57)
4. Parlament Ewropew – Kompetenzi – Adozzjoni ta’ deċiżjonijiet eżekuttivi li jinkludu obbligu pekunjarju impost fuq persuni destinatarji – Esklużjoni – Konsegwenzi
(Artikolu 299 TFUE)
(ara l-punti 51, 52)
Suġġett
| Talba bbażata fuq l-Artikoli 278 u 279 TFUE u intiża għas-sospensjoni tal-eżekuzzjoni tad-deċiżjoni tas-Segretarju Ġenerali tal-Parlament Ewropew tal-1 ta’ Lulju 2016, dwar l-irkupru mingħand ir-rikorrent tas-somma ta’ EUR 275 984.23, tan-nota ta’ debitu 2016‑916, tal-5 ta’ Lulju 2016, sussegwenti għal din id-deċiżjoni u għan-notifika tal-imsemmija atti mid-Direttur Ġenerali tal-Finanzi tas-6 ta’ Lulju 2016. |
Dispożittiv
1) | | It-talba għal miżuri provviżorji hija miċħuda. |
2) | | L-ispejjeż huma rriżervati. |