Achomharc arna thabhairt an 9 Meán Fómhair 2023 ag Vincent Thunus agus páirtithe eile i gcoinne ordú na Cúirte Ginearálta (an Cúigiú Dlísheomra) a fógraíodh an 30 Meitheamh 2023 i gCás T-666/20

(Cás = "n" "Case"  IF = "o" "Joined Cases" C-561/23 P)

Teanga an cháis: an Fhraincis

Páirtithe

Achomharcóirí: Vincent Thunus, Jaime Barragán, Alexandra Felten, Manuel Sutil, Patrick Vanhoudt (ionadaí: L. Levi, avocate)

Páirtithe eile sna himeachtaí: an Banc Eorpach Infheistíochta; Marc D’hooge

An t-ordú atá á lorg

Iarrann na hachomharcóirí ar an gCúirt Bhreithiúnais:

ordú na Cúirte Ginearálta an 30 Meitheamh 2023 i gCás T-666/20 a chur ar ceal;

dá thoradh sin, glacadh le héilimh na n-achomharcóirí ag an gcéad chéim agus, dá bhrí sin

a dhearbhú go bhfuil an chaingean seo inghlactha agus go bhfuil bunús maith léi, lena n-áirítear an phléadáil neamhdhleathachta arna chur san áireamh ;

dá réir sin :

an cinneadh atá i nduillíní tuarastail na n-achomharcóirí do mhí an Mhárta 2020 a chur ar neamhní, cinneadh lena socrófar coigeartú bliantúil an bhuntuarastail a bheidh teoranta do 0.7 % le haghaidh 2020 ón 1 Eanáir 2020, agus, dá bhrí sin, cinntí comhchosúla atá i nduillíní tuarastail ina dhiaidh sin a chur ar neamhní ;

dá bhrí sin, a ordú don chosantóir cúiteamh a íoc as damáiste ábhartha (i) an iarmhéid tuarastail i ngeall ar chur i bhfeidhm an coigeartú bliantúil le haghaidh 2020, is é sin méadú 1 % don tréimhse ón 1 Eanáir 2020 go dtí an 31 Nollaig 2020 ; (ii) an t-iarmhéid tuarastail i ngeall ar na hiarmhairtí a bhaineann le cur i bhfeidhm an coigeartú bliantúil le haghaidh 2020 ar na méideanna pá a bheidh le híoc ón 1 Eanáir 2020 ; (iii) an úis mainneachtana ar iarmhéideanna tuarastail go dtí go n-íoctar na suimeanna dlite, an ráta úis mainneachtana atá le cur i bhfeidhm a ríomh ar bhonn an ráta arna shocrú ag an mBanc Ceannais Eorpaigh le haghaidh na príomhoibríochtaí athmhaoiniúcháin, infheidhme le linn na tréimhse lena mbaineann, móide 3 phointe ;

–    a ordú don chosantóir na costais go léir a íoc.

Saincheisteanna dlí agus príomhargóintí

Maidir le neamhdhleathacht Cinneadh an 18 Iúil 2017 : sárú ar Airteagal 20 don rialacháin foirne agus Iarscríbhinn I a ghabhann leis – sárú ar an oibleagáid cúiseanna a lua atá ar an gCúirt Ginearálta - saobhadh fianaise.

Maidir le neamhdhleathacht Cinneadh an 12 Nollaig 2019 agus an 6 Feabhra 2020 : sárú ar Airteagal 20 don rialacháin foirne agus Iarscríbhinn I a ghabhann leis – sárú ar an oibleagáid cúiseanna a lua atá ar an gCúirt Ginearálta - saobhadh fianaise.

____________