Breithiúnas na Cúirte Ginearálta an 24 Eanáir 2024 – an Ghearmáin v an Coimisiún
(Cás T-409/21)1
(Státchabhair – Cabhair arna deonú ag forálacha áirithe de dhlí leasaithe na Gearmáine maidir le comhghiniúint teasa agus leictreachais – Athchóiriú ar an scéim tacaíochta le haghaidh comhghiniúna – Cinneadh lena ndearbhaítear go bhfuil an chabhair comhoiriúnach leis an margadh inmheánach – Coincheap na ‘Státchabhrach’ – Acmhainní Stáit)
Teanga an cháis: an Ghearmáinis
Páirtithe
Iarratasóir: Poblacht Chónaidhme na Gearmáine (ionadaithe: J. Möller agus R. Kanitz, Gníomhairí)
Cosantóir: an Coimisiún Eorpach (ionadaithe: A. Bouchagiar, C. Kovács agus C.-M. Carrega, Gníomhairí)
Ábhar
Trína chaingean faoi Airteagal 263 CFAE, tá Poblacht Chónaidhme na Gearmáine ag iarraidh go ndéanfaí Cinneadh C(2021) 3918 final ón gCoimisiún an 3 Meitheamh 2021 maidir le Státchabhair SA.56826 (2020/N) a chur ar neamhní – an Ghearmáin – Athchóiriú 2020 ar an scéim tacaíochta le haghaidh comhghiniúint agus státchabhair SA.53308 (2019/N) – An Ghearmáin – Leasú ar an scéim tacaíochta do ghléasraí comhghiniúna teasa agus cumhachta atá ann cheana (Airteagal 13 de Gesetz zur Neuregelung des Kraft-Wärme-Kopplungsgesetzes (Dlí maidir le comhghiniúint teasa agus leictreachais) an 21 Nollaig 2015 (BGBl. 2015 I, lch. 2498)), trína gcinneann an Coimisiún gur Státchabhair iad bearta éagsúla chun tacú le táirgeadh leictreachais ag gléasraí teasa agus cumhachta in éineacht.
An chuid oibríochtúil
Neamhnítear Cinneadh C (2021) 3918 final ón gCoimisiún an 3 Meitheamh 2021 maidir le Státchabhair SA.56826 (2020/N) – An Ghearmáin – Athchóiriú 2020 ar an scéim tacaíochta le haghaidh comhghiniúna agus Státchabhrach SA.53308 (2019/N) – An Ghearmáin – Leasú ar an scéim tacaíochta do ghléasraí teasa agus cumhachta comhcheangailte atá ann cheana (Airteagal 13 de Gesetz zur Neuregelung des Kraft-Wärme-Kopplungsgesetzes (Dlí lena leasaítear an Dlí maidir le comhghiniúint teasa agus leictreachais) an 21 Nollaig 2015 (BGBl. 2015 I, lch. 2498);
Ordaítear don Choimisiún Eorpach na costais a íoc.
____________
1 IO C 368, 13.9.2021.