Rikors ippreżentat fl-24 ta' Awissu 2009 - Fédération Internationale des Logis vs UASI (Kwadru konvess ta' kulur kannella)

(Kawża T-329/09)

Lingwa tal-kawża: Il-Franċiż

Partijiet

Rikorrenti: Fédération Internationale des Logis (Pariġi, Franza) (rappreżentant: C. Champagner Katz, avukat)

Konvenut: L-Uffiċċju għall-Armonizzazzjoni fis-Suq Intern (Trade marks u Disinni)

Talbiet tar-rikorrenti

tannulla d-deċiżjoni mogħtija mill-Ewwel Bord tal-Appell tal-UASI fil-11 ta' Ġunju 2009 fil-Każ R 0202/2009-1 u tawtorizza r-reġistrazzjoni tat-trade mark li għaliha saret l-applikazzjoni;

tikkundanna lill-UASI għall-ispejjeż.

Motivi u argumenti prinċipali

Trade mark Komunitarja kkonċernata: Trade mark li tirrappreżenta kwadru konvess ta' kulur kannella għal prodotti u servizzi fil-klassijiet 3, 18, 24, 43 u 44 - applikazzjoni Nru 6468722

Deċiżjoni tal-eżaminatur: Applikazzjoni għal reġistrazzjoni miċħuda

Deċiżjoni tal-Bord tal-Appell: Appell miċħud

Motivi invokati: Ksur tal-Artikolu 7(1)(b) tar-Regolament Nru 207/2009, peress li r-rappreżentazzjoni ta' kwadru bil-ġnub konvessi ta' kulur kannella partikolari u speċifiku huwa distint fir-rigward tal-prodotti u servizzi li għalihom saret l-applikazzjoni għar-reġistrazzjoni, sa fejn dawn l-elementi jagħtu aspett partikolari lit-trade mark għal dawn il-prodotti u servizzi.

____________