Achomharc arna thabhairt an 29 Nollaig 2023 ag Nutmark, Lda (Zona Franca da Madeira) i gcoinne ordú na Cúirte Ginearálta (an Cúigiú Dlísheomra) a fógraíodh an 27 Deireadh Fómhair 2023 i gCásanna T-714/22 agus T-715/22 Nutmark agus Piamark v an Coimisiún (Zona Franca da Madeira)
(Cás C-805/23 P)
Teanga an cháis: an Phortaingéilis
Páirtithe
Achomharcóir: Nutmark, Lda (Zona Franca da Madeira) (ionadaithe: P. Vidal Matos, F. Lança Martins agus C. Marques Aparício, Avogados)
Páirtí eile sna himeachtaí: An Coimisiún Eorpach
An t-ordú atá á lorg
Iarrann an t-achomharcóir ar an gCúirt Bhreithiúnais:
(i) Seasamh leis an achomharc seo ina iomláine, lena n-iarrtar an t-ordú atá faoi chonspóid a chur ar ceal ina iomláine, agus mar thoradh air sin an t-ordú atá á lorg san iarratas is bun leis na cásanna uamtha T-714/22 agus T-715/22 a dheonú, eadhon, Cinneadh (AE) 2022/1414 ón gCoimisiún an 4 Nollaig 2020 1 a chur ar neamhní; agus
(ii) A ordú don Choimisiún Eorpach na costais go léir a íoc.
Saincheisteanna dlí agus príomhargóintí
i) An chéad fhoras achomhairc – lena n-éilítear go ndearnadh earráid dlí de shárú ar Airteagal 4(2) den Chonradh ar an Aontas Eorpach agus ar Airteagal 107(1) agus Airteagal 263 den Chonradh ar Fheidhmiú an Aontais Eorpaigh, mar go sainaithnítear an córas cánach tagartha go mícheart le Cinneadh (AE) 2022/1414 ón gCoimisiún an 4 Nollaig 2020 maidir leis an scéim cabhrach SA.21259 (2018/C) (ex 2018/NN) arna cur chun feidhme ag an bPortaingéil le haghaidh Zona Franca da Madeira;
ii) An dara foras achomhairc – lena n-éilítear go ndearnadh earráid dlí de shárú ar Airteagal 107(1) den Chonradh ar Fheidhmiú an Aontais Eorpaigh le Cinneadh (AE) 2022/1414 ón gCoimisiún an 4 Nollaig 2020 maidir leis an scéim cabhrach SA.21259 (2018/C) (ex 2018/NN) arna cur chun feidhme ag an bPortaingéil le haghaidh Zona Franca da Madeira, mar nach gcinntear ann arb ionann Scéim III Chrios Saorthrádála Mhaidéara agus maolú ar an gcóras cánach tagartha lena ndéantar idirdhealú idir oibreoirí eacnamaíocha i staid fhíorasach agus dhlíthiúil inchomparáide, ná raon an mhaolaithe sin más ann dó;
iii) An tríú foras achomhairc – lena n-éilítear go ndearnadh earráid dlí de shárú ar Airteagal 107(1), Airteagal 263 agus Airteagal 296(2) den Chonradh ar Fheidhmiú an Aontais Eorpaigh, ar an bhforas nár chomhlíon sé an oibleagáid cúiseanna a lua le Cinneadh (AE) 2022/1414 ón gCoimisiún an 4 Nollaig 2020 maidir leis an scéim SA.21259 (2018/C) (ex-2018/NN) arna cur chun feidhme ag Poblacht na Portaingéile i bhfabhar Zona Franca da Madeira, a mhéid nach léirítear ann go bhféadfadh Scéim III de ZFM difear a dhéanamh don trádáil idir na Ballstáit agus an iomaíocht a shaobhadh;
iv) An ceathrú foras achomhairc – lena n-éilítear go ndearnadh earráid dlí de shárú ar Airteagal 16(1) de Rialachán (AE) 2015/1589 ón gComhairle an 13 Iúil 2015 lena leagtar síos rialacha mionsonraithe maidir le hAirteagal 108 den Chonradh ar Fheidhmiú an Aontais Eorpaigh a chur i bhfeidhm, 1 a mhéid a sháraítear prionsabail na deimhneachta dlíthiúla agus na deimhneachta dlíthiúla leis;
v) An cúigiú foras achomhairc – lena n-éilítear go ndearnadh earráid dlí de shárú ar Airteagal 1 den Phrótacal Breise a ghabhann leis an gCoinbhinsiún Eorpach um Chearta an Duine, a mhéid a sáraíodh an ceart chun maoine príobháidí.
____________
1 IO 2022 L 217, lch. 49.
1 IO 2015 L 248, lch. 9.