Iarraidh ar réamhrialú ó Krajský súd v Prešove (an tSlóvaic) a taisceadh an 6 Meitheamh 2023 – GR REAL s. r. o. v PO agus RT
(Cás C-351/23, GR REAL)
Teanga an cháis: an tSlóvaicis
An chúirt a rinne an tarchur
Krajský súd v Prešove
Páirtithe sna príomhimeachtaí
Iarratasóir: GR REAL s. r. o.
Cosantóirí: PO agus RT
Na ceisteanna a tharchuirtear:
An bhfuil feidhm ag Airteagail 6(1) agus 7(1) de Threoir 93/13/CEE 1 ón gComhairle an 5 Aibreán 1993 maidir le téarmaí éagóracha i gconarthaí tomhaltóra, le himeachtaí amhail atá i gceist sna príomhimeachtaí, a thionscain duine ab é an tairgeoir ar éirigh leis i gceant maoine, i gcás ina raibh frithéileamh ó thomhaltóir go dtabharfar ar ais an stádais roimh an gceant ar feitheamh go comhuaineach nuair a d’úsáid an tomhaltóir leigheasanna dlíthiúla, roimh an gceant seachbhreithiúnach, chun forfheidhmiú an liain a chur ar fionraí trí iarratas ar fhaoiseamh eatramhach a thaisceadh leis an gcúirt agus, ag an am céanna, roimh an gceant, chuir siad in iúl do na daoine a ghlac páirt i gceant na n-imeachtaí cúirte atá ar feitheamh chun forfheidhmiú an liain trí cheant deonach a chur ar fionraí, nuair a chuaigh an ceant ar aghaidh in ainneoin na n-imeachtaí dlíthiúla?
An gcaithfear Treoir 93/13/CEE ón gComhairle a léiriú sa chaoi go gcuirtear cosc leis ar fhorálacha náisiúnta, amhail an reachtaíocht atá i gceist sna príomhimeachtaí, ar lian é ar mhaoin dhochorraithe tomhaltóra, i gcomhthéacs forghníomhaithe ag gnóthas ceantanna príobháideacha (“an ceantálaí”), d’fhonn fiach atá dlite do bhanc faoi chomhaontú creidmheasa do thomhaltóirí a aisghabháil,
nach gceadaítear don tomhaltóir agóidí a dhéanamh go héifeachtach os comhair an cheantálaí maidir le gné éagórach théarmaí an chonartha ar a bhonn atá éileamh an bhainc le forfheidhmiú chun an ceant a chur ar atráth, cé go bhfuil an t-éileamh sin bunaithe ar théarmaí conarthacha éagóracha, agus go háirithe téarma conarthach maidir le hiasacht a aisíoc go luath,
nach gceadaítear don tomhaltóir cosc a chur ar cheant na maoine arb é teach an tomhaltóra í, d’ainneoin gur chuir an tomhaltóir an ceantálaí agus na daoine i láthair ag ceant na n-imeachtaí cúirte ar an eolas maidir le faoiseamh eatramhach chun cosc a chur ar sheoladh an cheant, cé nach raibh a cinneadh deiridh eisithe ag an gcúirt ar an iarratas go fóill, nuair is é an beart faoisimh eatramhach an t-aon deis atá ag an tomhaltóir cosaint shealadach cúirte a fháil in aghaidh stiúradh an cheant mar thoradh ar théarmaí conarthacha éagóracha,
3. nach gceadaítear do thomhaltóirí, sna himthosca dá dtagraítear sna míreanna roimhe seo, a gcearta a eascraíonn as trasuí Threoir 93/13/CEE a fheidhmiú go hiomlán agus cuspóirí na treorach sin a bhaint amach, ós rud é go gcuireann an reachtaíocht atá i gceist teorainn leis an bhféidearthacht a bhaineann le neamhniú díolacháin ar ceant a phléadáil chuig na trí shaincheist seo a leanas:
a. neamhbhailíocht an chomhaontaithe lian,
b. sárú ar Zákon č 527/2002 Z.z. o dobrovoľných dražbách (Dlí Uimh. 527/2002 maidir le Ceantanna Deonacha),
c. an ndearnadh cion?
C. An gcaithfear Treoir 2005/29/CÉ 1 ó Pharlaimint na hEorpa agus ón gComhairle an 11 Bealtaine 2005 maidir le cleachtais tráchtála éagóracha idir gnólachtaí agus tomhaltóirí sa mhargadh inmheánach agus lena leasaítear Treoir 84/450/CEE ón gComhairle, Treoir 97/7/CE, Treoir 98/27/CE agus Treoir 2002/65/CE ó Pharlaimint na hEorpa agus ón gComhairle agus Rialachán (CE) Uimh. 2006/2004 ó Pharlaimint na hEorpa agus ón gComhairle (“an Treoir maidir le Cleachtais Tráchtála Éagóracha”) a léiriú sa chaoi go gciallaíonn sé lian a fhorfheidhmiú ar bhonn téarma chonarthaigh éagóraigh a bhaineann le fiach a aisghabháil go luath a eascraíonn faoi chomhaontú creidmheasa tomhaltóirí agus, dá bhrí sin, méid mícheart an fhiachais a bhí le híoc a bheith ina chleachtas tráchtála éagórach de réir bhrí Airteagal 5 den Treoir sin, agus go háirithe cleachtas tráchtála ionsaitheach de réir bhrí Airteagail 8 agus 9 den Treoir sin, agus go bhfuil feidhm ag dliteanas an bhainc agus ag cuspóirí Threoir 2005/29/CE, de bhreis ar an mbanc, maidir leis an gceantálaí ag forfheidhmiú cearta an bhainc faoin lian?
____________
1 IO 1 993 L 95, lch. 29.
1 IO 2005 L 149, lch. 22.