Rikors ippreżentat fis-17 ta' Jannar 2012 - 3M Pumps vs UASI - 3M(3M Pumps)
(Kawża T-25/12)
Lingwa tar-rikors: il-Taljan
Partijiet
Rikorrenti: 3M Pumps (Taglio di Po, l-Italja) (rappreżentant: F. Misuraca, avukat)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra fil-kawża quddiem il-Bord tal-Appell: 3M Company (St. Paul, l-Istati Uniti)
Talbiet tar-rikorrenti
tannulla d-deċiżjoni tal-Ewwel Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni) mogħtija fis-27 ta' Ottubru 2011, fil-Każ R 2406/2010-1;
tikkundanna lill-konvenut għall-ispejjeż.
Motivi u argumenti prinċipali
Applikanti għat-trade mark Komunitarja: ir-rikorrenti
Trade mark Komunitarja kkonċernata: trade mark figurattiva li tinkludi l-element verbali "3M Pumps", għal prodotti u servizzi fil-klassijiet 7, 16 u 38
Proprjetarju tat-trade mark jew tas-sinjal invokat insostenn tal-oppożizzjoni: 3M Company
Trade mark jew sinjal invokat: trade mark figurattiva li tinkludi l-element verbali "3M", għal prodotti u servizzi fil-klassijiet 7, 16 u 38
Deċiżjoni tad-Diviżjoni tal-Oppożizzjoni: oppożizzjoni milqugħa
Deċiżjoni tal-Bord tal-Appell: appell miċħud
Motivi invokati: ksur tal-Artikolu 8(1)(a) u (b), u tal-Artikolu 8(5), tar-Regolament Nru°207/2009.
____________