Sentenza tal-Qorti Ġenerali tat-30 ta' Settembru 2010 - Kadi vs Il-Kummissjoni
"Politika barranija u ta' sigurtà komuni - Miżuri restrittivi kontra persuni u entitajiet marbuta ma' Usama bin Laden, in-netwerk ta' Al Qaida u t-Taliban - Regolament (KE) Nru 881/2002 - Iffriżar ta' fondi u ta' riżorsi ekonomiċi ta' persuna wara li din titniżżel f'lista stabbilita minn korp tan-Nazzjonijiet Uniti - Kumitat tas-sanzjonijiet - Inklużjoni sussegwenti fl-Anness I tar-Regolament (KE) Nru 881/2002 - Rikors għal annullament - Drittijiet fundamentali - Dritt għal smigħ, dritt għal stħarriġ ġudizzjarju effettiv u dritt għar-rispett tal-proprjetà"
Lingwa tal-kawża: l-Ingliż
Partijiet
Rikorrent: Yassin Abdullah Kadi (Jeddah, l-Arabja Sawdija) (rappreżentanti: D. Anderson, QC, M. Lester, barrister, u G. Martin, solicitor)
Konvenuta: Il-Kummissjoni Ewropea (rappreżentanti: inizjalment P. Hetsch, P. Aalto u F. Hoffmeister, sussegwentement P. Hetsch, F. Hoffmeister u E. Paasivirta, bħala aġenti)
Partijiet intervenjenti insostenn tal-konvenuta: Il-Kunsill tal-Unjoni Ewropea, (rappreżentanti: M. Bishop, E. Finnegan u R. Szostak, bħala aġenti; Ir-Repubblika Franċiża (rappreżentanti: G. de Bergues u L. Butel, bħala aġenti; Ir-Renju Unit tal-Gran Brittanja u l-Irlanda ta' Fuq (rappreżentanti: S. Behzadi-Spencer u E. Jenkinson, bħala aġenti, assistiti minn D. Beard, barrister)
Suġġett
Annullament tar-Regolament tal-Kummissjoni Nru 1190/2008, tat-28 ta' Novembru 2008, li jemenda għall-101 darba r-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati ma' Usama bin Laden, in-netwerk ta' Al-Qaida u t-Taliban (ĠU 2008 L 322, p. 25) sa fejn dan jikkonċerna lir-rikorrent.
Dispożittiv
Ir-Regolament tal Kummissjoni (KE) Nru 1190/2008 tat-28 ta' Novembru 2008 li jemenda għall-101 darba r-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati ma' Usama bin Laden, in-netwerk ta' Al Qaida u t-Taliban, huwa annullat, sa fejn dan jikkonċerna lil M. Yassin Abdullah Kadi.
Il-Kummissjoni Ewropea hija kkundannata tħallas, minbarra l-ispejjeż tagħha, l-ispejjeż ta' M. Kadi.
Il-Kunsill tal-Unjoni Ewropea, ir-Repubblika Franċiża u r-Renju Unit tal-Gran Brittanja u l-Irlanda ta' Fuq għandhom iħallsu l-ispejjeż tagħhom.
____________1 - ĠU C 90, 18.04.2009.