Rikors ippreżentat fil-21 ta’ Marzu 2014 – Lubrizol France vs Il-Kunsill
(Kawża T-191/14)
Lingwa tal-kawża: l-Ingliż
Partijiet
Rikorrenti: Lubrizol France SAS (Rouen, Franza) (rappreżentanti: R. MacLean, Solicitor u B. Hartnett, Barrister)
Konvenut: Il-Kunsill tal-Unjoni Ewropea
Talbiet tar-rikorrenti
tiddikjara l-appell inammissibbli;
tannulla l-Artikoli 1 u 4 of the Regolament tal-Kunsill (UE) Nru 1387/2013 1 tas-17 ta’ Diċembru 2013 li jissospendi d-dazji awtonomi tat-Tariffa Doganali Komuni fuq ċerti prodotti agrikoli u industrijali u li jħassar ir-Regolament (UE) Nru 1344/2011 sa fejn ċaħad lir-rikorrenti mid-drittijiet tagħha għall-benefiċċju ta’ tliet sospensjonijiet tad-dazji skont l-ex-Kodiċijiet TARIC 2918.2900.80, 3811.2900.10 u 3811.9000.30 minħabba li fih żbalji manifesti ta’ liġi u ta’ fatti u ġie adottat b’nuqqas ta’ osservanza tar-rekwiżiti u s-salvagwardji proċedurali essenzjali;
tikkundanna lill-konvenut u kwalunkwe intervenjent sabiex iħallsu l-ispejjeż legali u proċedurali tar-rikorrenti.
Motivi u argumenti prinċipali
Insostenn tar-rikors tagħha, ir-rikorrenti tinvoka żewġ motivi.
L-ewwel motiv ibbażat fuq l-allegazzjoni li l-konvenut wettaq żbalji manifesti fil-fatt u fid-dritt meta ddetermina li l-kundizzjonijiet applikabbli kienu ġew sodisfatti għat-terminazzjoni tat-tliet sospensjonijiet tad-dazji awtonomi billi ma applikax b’mod korrett it-test għall-istabbiliment tal-eżistenza ta’ kwantitajiet suffiċjenti ta’ kwantitajiet simili jew sostitwibbli ta’ prodotti magħmulin fl-Unjoni Ewropea kif ukoll tal-kriterji ta’ prodotti identiċi, ekwivalenti jew sostitwibbli.It-tieni motiv ibbażat fuq il-fatt li l-konvenut ma osservax ir-rekwiżiti u s-salvagwardji proċedurali essenzjali implementati sabiex jiżguraw li r-regoli proċedurali, li jobbligaw kumpanniji li jopponu lil xulxin sabiex jirrispondu fit-terminu previst kif ukoll sabiex jiġi prekluż li tingħata informazzjoni qarrieqa u mhux preċiża fl-oġġezzjonijiet għat-tkomplija tas-sospensjoni tad-dazji awtonomi, jiġu applikati u implementati b’mod xieraq.