Caingean arna tabhairt an 13 Eanáir 2022 – CIMV v an Coimisiún
(Cás T-26/22)
Teanga an cháis: an Fhraincis
Páirtithe
Iarratasóir: Compagnie industrielle de la matière végétale (CIMV) (Neuilly-sur-Seine, an Fhrainc) (ionadaithe : B. Le Bret, R. Rard agus P. Renié, dlíodóirí)
Cosantóir: an Coimisiún Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
a dhearbhú go bhfuil an chaingean seo inghlactha agus go bhfuil bunús maith léi;
an cinneadh atá á chonspóid a chur ar neamhní;
ina ionad sin, Airteagal 3 den chinneadh atá á chonspóid a chur ar neamhní a mhéid a fhoráiltear leis forfheidhmiú;
ordú a thabhairt don Choimisiún na costais a íoc.
Saincheisteanna dlí agus príomhargóintí.
Mar thaca leis an gcaingean i gcoinne Chinneadh C(2021) 7932 deiridh ón gCoimisiún Eorpach, an 28 Deireadh Fómhair 2021, maidir le haisghabháil €5,888 214.59 in éineacht leis an ús, atá dlite ag CIMV, maíonn an t-iarratasóir ceithre shaincheist dlí.
An chéad saincheist dlí lena n-éilítear earráid shoiléir toisc nár cuireadh an sceideal arna mholadh ag CIMV san áireamh agus mar thoradh ar an ráiteas easnamhach faoi na cúiseanna leis an gcinneadh atá á chonspóid.
An dara saincheist dlí lena n-éilítear sárú ar phrionsabail an ionchais dhlisteanaigh agus na deimhneachta dlíthiúla.
An tríú saincheist dlí lena n-éilítear sárú ar chearta na cosanta, ar an gceart chun éisteacht a fháil agus ar phrionsabal an dea-riaracháin.
An ceathrú saincheist dlí lena n-éilítear sárú ar phrionsabal na comhréireachta agus ar an gcuspóir maidir le cosaint éifeachtach leasanna airgeadais an Aontais.
____________