Sentenza tal-Qorti Ġenerali tas-26 ta’ Frar 2019 – Fútbol Club Barcelona vs Il-Kummissjoni
(Kawża T-865/16) 1
(“Għajnuna mill-Istat – Għajnuna mogħtija mill-awtoritajiet Spanjoli lil ċerti klabbs tal-futbol professjonali – Rata preferenzjali tat-taxxa fuq id-dħul applikata għall-klabbs awtorizzati jużaw status ta’ entità mingħajr skop ta’ qligħ – Deċiżjoni li tiddikjara l-għajnuna inkompatibbli mas-suq intern – Libertà ta’ stabbiliment – Vantaġġ”)
Lingwa tal-kawża: l-Ispanjol
Partijiet
Rikorrent: Fútbol Club Barcelona (Barcelone, Spanja) (rappreżentanti: inizjalment minn J. Roca Sagarra, J. del Saz Cordero, R. Vallina Hoset, A. Sellés Marco u C. Iglesias Megías, sussegwentement minn J. Roca Sagarra, J. del Saz Cordero, R. Vallina Hoset u A. Sellés Marco, avukati)
Konvenuta: Il-Kummissjoni Ewropea (rappreżentanti: G. Luengo, B. Stromsky u P. Němečková, aġenti)
Intervenjenti insostenn tar-rikorrenti: Ir-Renju ta’ Spanja (rappreżentanti: inizjalment minn A. Gavela Llopis u J. García-Valdecasas Dorrego, sussegwentement minn A. Gavela Llopis, aġenti)
Suġġett
Talba bbażata fuq l-Artikolu 263 TFUE u intiża għall-annullament tad-Deċiżjoni tal-Kummissjoni (UE) 2016/2391 tal-4 ta’ Lulju 2016 dwar l-Għajnuna mill-Istat SA.29769 (2013/C) (ex 2013/NN) implimentata minn Spanja għal ċerti klabbs tal-futbol (ĠU 2016, L 357, p. 1).
Dispożittiv
Id-Deċiżjoni tal-Kummissjoni (UE) 2016/2391 tal-4 ta’ Lulju 2016 dwar l-Għajnuna mill-Istat SA.29769 (2013/C) (l-ex 2013/NN) implimentata minn Spanja għal ċerti klabbs tal-futbol hija annullata.
Il-Kummissjoni Ewropea għandha tbati l-ispejjeż tagħha kif ukoll dawk sostnuti minn Fútbol Club Barcelona.
Ir-Renju ta’ Spanja għandu jbati l-ispejjeż tiegħu stess.
____________
1 ĠU C 30, 30.1.2017.