Caingean arna tabhairt an 4 Márta 2024 – WM v BEI

(Cás T-141/24)

Teanga an cháis: an Béarla

Páirtithe

Iarratasóir: WM (ionadaí: B. Maréchal, Dlíodóir)

Cosantóir: an Banc Eorpach Infheistíochta

An t-ordú atá á lorg

Iarrann an t-iarratasóir ar an gCúirt Ghinearálta:

(i) doiciméid feidhmíocht ghairmiúil an iarratasóra 2021 arna eisiúint an 29 Márta 2022 (an chéad cinneadh atá faoi chonspóid); (ii) doiciméid feidhmíocht ghairmiúil nua an iarratasóra arna eisiúint an 15 Márta 2023 lena ndearbhaítear an chéad chinneadh atá faoi chonspóid (an dara cinneadh atá faoi chonspóid); (iii) an cinneadh arna chur in iúl an 22 Márta 2023 gan ardú pá iomchuí a dhámhachtain don iarratasóir i 2022, de réir meanphá a cuireadh i bhfeidhm ag an gcosantóir, le leithdháileadh dámhachtain feidhmíochta don iarratasóir le haghaidh 2021 agus le hardú céime (an tríú cinneadh atá faoi chonspóid) agus (iv) cinneadh an chosantóra dar dáta an 21 Samhain 2023 chun iarratas ar athbhreithniú riaracháin an iarratasóra an 21 Bealtaine a dhiultú, lena ndéantar agóid i gcoinne dhlíthiúlacht na dtrí chinneadh thuasluaite atá faoi chonspóid.

cúiteamh a ordú le haghaidh an damáiste morálta a rinneadh don iarratasóir ar luach EUR 30 000, a mheas ex aequo et bono;

cúiteamh a ordú le haghaidh an damáiste airgeadais ábhartha a rinneadh don iarratasóir ar luach EUR 50 000, suim a ríomhtar go sealadach

cúiteamh a ordú le haghaidh táillí dlí a bhaineann leis na himeachtaí reatha ar luach EUR 35 000 (lena n-áirítear CBL).

Saincheisteanna dlí agus príomhargóintí

Mar thaca leis an gcaingean, maíonn an t-iarratasóir dhá saincheist dlí.

An chéad saincheist dlí, lena n-éilítear neamhdhleathacht na gcinntí atá faoi chonspóid tar éis gníomhartha éagóracha agus/nó neamhghníomhartha an chosantóra lena saraítear cearta bunúsacha an iarratasóra maidir le cóir chomhionann agus neamh-idirdhealú, le dea-riarachán agus le comhlíonadh a dhualgais cúraim ag an gcosantóir i dtaca leis an iarratasóir.

An dara saincheist dlí, lena n-éilítear dliteanas an chosantóra le haghaidh damáistí ábhartha agus morálta a rinneadh don iarratasóir mar thoradh ar repeated violations neamhdhleathacht na gcinntí atá faoi chonspóid agus sáruithe arís agus arís eile ar chearta bunúsacha an iarratasóra.

____________