Caingean arna tabhairt an 19 Feabhra 2024 – CL v an Coimisiún

(Cás T-109/24)

Teanga an cháis: an Fhraincis

Páirtithe

Iarratasóir: CL (ionadaí: N. Flandin, Dlíodóir)

Cosantóir: An Coimisiún Eorpach

An t-ordú atá á lorg

Iarrann an t-iarratasóir ar an gCúirt Ghinearálta:

a dhearbhú go bhfuil an t-iarratas seo ar neamhniú inghlactha agus go bhfuil bunús maith leis;

cinneadh ón údarás ceapacháin an 11 Eanáir 2023, a mhéid a dhearbhaítear leis nach bhfuil buneasláine iomlán an iarratasóra de bhunús gairmiúil, a chur ar neamhní;

a mhéid is gá, cinneadh ón údarás ceapacháin an 10 Feabhra 2023 lenar diúltaíodh don ghearán arna taisceadh ag an iarratasóir i gcoinne cinneadh an 11 Eanáir 2023 a chur ar neamhní;

a ordú don chosantóir damáistí a íoc;

a ordú don chosantóir na costais go léir a íoc.

Saincheisteanna dlí agus príomhargóintí.

Mar thaca leis an gcaingean, maíonn an t-iarratasóir trí saincheist dlí.

An chéad saincheist dlí, lena n-éilítear gur sáraíodh Airteagal 41 de Chairt um Chearta Bunúsacha an Aontais Eorpaigh, Airteagal 25(2) de Rialacháin Foirne Oifigigh an Aontais Eorpaigh, agus gur sáraíodh an dualgas cúiseanna a lua.

An dara saincheist dlí, lena n-éilítear neamhdhleathacht an chinnidh easláine agus an chinnidh atá faoi chonspóid de bharr neamhrialtachtaí lena gcuirtear na coinníollacha faoina eisíodh an tuairim ón Choiste Easláine ó bhail.

An tríú saincheist dlí, lena n-éilítear neamhdhleathacht an chinnidh easláine agus an chinnidh atá faoi chonspóid de bharr earráid fhollasach measúnaithe a bhaineann le tuiscint mhícheart ar choincheap an ghalair cheirde.

____________