Iarraidh ar réamhrialú ón Cour de cassation (an Fhrainc) a taisceadh an 9 Samhain 2023 – IL v Veracash SAS
(Cás C-665/23, Veracash)
Teanga an cháis: an Fhraincis
An chúirt a rinne an tarchur
Cour de cassation
Páirtithe sna príomhimeachtaí
Iarratasóir: IL
Cosantóir: Veracash SAS
Na ceisteanna a tharchuirtear:
An gá Airteagail 56, 58, 60 agus 61 de Threoir 2007/64/CE ó Pharlaimint na hEorpa agus ón gComhairle an 13 Samhain 2007 maidir le seirbhísí íocaíochta sa mhargadh inmheánach, lena leasaítear Treoracha 97/7/CE, 2002/65/CE, 2005/60/CE chomh maith le 2006/48/CE agus lena n-aisghairtear Treoir 97/5/CE1 , a léiriú mar ní a chiallaíonn go mbaintear an ceart chun méid idirbhirt neamhúdaraithe a aisíoc nuair a chuir sé moill ar thuairisciú an t-idirbheart íocaíochta neamhúdaraithe chuig a sholáthraí seirbhíse íocaíochta, cé go ndearna sé amhlaidh laistigh de thrí mhí dhéag ón dáta dochair?
Má tá freagra dearfach ar an gcéad cheist, an bhfuil an díothacht de cheart an íocóra chun aisíocaíochta faoi réir an tuairiscithe déanach d'aon ghnó nó de thoradh mórfhaillí ar thaobh an íocóra?
Má tá freagra dearfach ar an gcéad cheist, an mbaintear don íocóir an ceart chun aisíocaíocht a fháil i leith gach idirbheart neamhúdaraithe nó na hidirbhearta sin amháin a d’fhéadfaí a sheachaint mura mbeadh an tuairisciú déanach?
____________
1 IO 2007 L 319, lch. 1.