Iarraidh ar réamhrialú ón Fővárosi Törvényszék (an Ungáir) a taisceadh an 14 de Meán Fómhair 2023 — AF v Cofidis Magyarországi Fióktelepe
(Cás C-565/23, Cofidis Magyarországi Fióktelepe)
Teanga an cháis: an Ungáiris
An chúirt a rinne an tarchur
Fővárosi Törvényszék
Páirtithe sna príomhimeachtaí
Iarratasóir: AF
Cosantóir: Cofidis Magyarországi Fióktelepe
Na ceisteanna a tharchuirtear
Sa chás go ndéantar difear do phríomhábhar an chonartha leis an neamhbhailíocht (éagóir na faisnéise maidir le riosca an ráta malairte) agus go gcaithfear gan téarma éagórach a chur i bhfeidhm, an bhfuil foráil reachtúil lena gceanglaítear ar an tomhaltóir roimh ré caingean a thionscnamh le haghaidh dearbhú go bhfuil an conradh bailí nó go bhfuil éifeacht leis, gan scrúdú a dhéanamh ar cibé an féidir an conradh a chomhlíonadh (Airteagal 37, mír 1 de Dhlí DH2) i gcomhréir le Treoir 93/13/CEE 1 ?
Má chinneann an chúirt, ar bhonn a scrúdaithe, nach féidir an conradh a chomhlíonadh, an bhfuil údar maith ann le hiarraidh ar an tomhaltóir, i gcás an conradh a bheith neamhbhailí ina iomláine, a dhearbhú an é go bhfuil sé ag iarraidh go n-athbhunófaí an staid bhunaidh (C-126/17 agus C-472/20) nó an é go bhfuil sé ag iarraidh na rialacha maidir le saibhriú éagórach a chur i bhfeidhm (C-520/21), agus an socrúchán lena mbaineann dá bhforáiltear leis an dlí nóis imeachta a sholáthar?
____________
1 Treoir 93/13/CEE ón gComhairle an 5 Aibreán 1993 maidir le téarmaí éagothroma i gconarthaí tomhaltóra (IO 1993 L 95, lch. 29).