Iarraidh ar réamhrialú ó Sąd Rejonowy dla m.st. Warszawy w Warszawie (an Pholainn) a taisceadh an 25 Iúil 2023 – L. sp. z o.o. v A.B. S.A.
(Cás C-472/23, L.)
Teanga an cháis: an Pholainnis
An chúirt a rinne an tarchur
Sąd Rejonowy dla m.st. Warszawy w Warszawie
Páirtithe sna príomhimeachtaí
Iarratasóir: L. sp. z o.o.
Cosantóir: A.B. S.A.
Na ceisteanna a tharchuirtear
An gcaithfear Airteagal 10(2)(g) de Threoir 2008/48/CE ó Pharlaimint na hEorpa agus ón gComhairle an 23 Aibreán 2008 maidir le comhaontuithe creidmheasa le haghaidh tomhaltóirí agus lena n-aisghairtear Treoir 87/102/CEE 1 ón gComhairle, arna léamh i gcomhthéacs aithrisí 6, 8 agus 31 de, a léiriú amhail, toisc go meastar go bhfuil cuid de théarmaí comhaontaithe creidmheasa tomhaltóra éagórach, más rud é go bhfuil ráta céatadánach bliantúil an mhuirir arna shonrú ag an gcreidiúnaí agus an comhaontú á thabhairt i gcrích níos airde ná mar a bheadh sé más rud é gur glacadh leis nach bhfuil an téarma conarthach éagórach ceangailteach, gur mhainnigh an creidiúnaí a oibleagáid faoin bhforáil sin a chomhlíonadh?
An gcaithfear Airteagal 10(2)(k) de Threoir 2008/48/CE ó Pharlaimint na hEorpa agus ón gComhairle an 23 Aibreán 2008 maidir le comhaontuithe creidmheasa le haghaidh tomhaltóirí agus lena n-aisghairtear Treoir 87/102/CEE ón gComhairle, arna léamh i gcomhthéacs aithrisí 6, 8 agus 31 de, a léiriú amhail gur leor an tomhaltóir a chur ar an eolas faoi cé chomh minic, maidir le cad iad na cásanna, agus cad é an céatadán uasta lenar féidir an muirear a bhaineann le comhlíonadh an chomhaontaithe a mhéadú, fiú mura bhfuil an tomhaltóir in ann a fhíorú cibé an dtagann cás ar leith chun cinn agus lenar féidir an muirear a mhéadú faoi dhó dá bharr?
An gcaithfear Airteagal 23 de Threoir 2008/48/CE ó Pharlaimint na hEorpa agus ón gComhairle an 23 Aibreán 2008 maidir le comhaontuithe creidmheasa le haghaidh tomhaltóirí agus lena n-aisghairtear Treoir 87/102/CEE ón gComhairle, arna léamh i gcomhthéacs aithrisí 6, 8, 9 agus 47 de, a léiriú amhail go gcuirtear cosc leis ar an dlí náisiúnta lena ndéantar foráil do phionós amháin mar gheall ar mhainneachtain an oibleagáid chun faisnéis a sholáthar a fhorchuirtear ar an gcreidiúnaí a chomhlíonadh, beag beann ar mhéid an mhainneachtain é sin a dhéanamh agus ar an éifeacht a bheidh aige ar chinneadh an tomhaltóra an comhaontú creidmheasa a thabhairt i gcrích, i gcás ina mbeidh an creidmheas saor ó ús agus ó mhuirir i gceist leis an bpionós sin?
____________
1 IO 2008 L 133, lch. 66.