Breithiúnas na Cúirte Ginearálta an 7 Feabhra 2024 – Casal sport v EUIPO – Tennis d’Aquitaine (CITY STADE)
(Cás T-220/23) 1
(Trádmharc de chuid an Aontais Eorpaigh – Imeachtaí cúlghairme – Marc fíortha de chuid an Aontais Eorpaigh CITY STADE –Trádmharc atá anois ina ghnáthainm trádála ar tháirge nó ar sheirbhís dá bhfuil sé cláraithe – Gníomhaíocht nó neamhghníomhaíocht dhílseánach – Airteagal 58(1)(b) de Rialachán (AE) Uimh. 2017/1001)
Teanga an cháis: an Fhraincís
Páirtithe
Iarratasóir: Sports et loisirs (Casal sport) (Altorf, an Fhrainc) (ionadaithe: C. Pecnard agus C. Alet, Dlíodóirí)
Cosantói : Oifig Maoine Intleachtúla an Aontas Eorpaigh (ionadaithe: C. Bovar agus V. Ruzek, Gníomhairí)
Páirtí eile sna himeachtaí os comhair an Bhoird Achomhairc de l’EUIPO, ag idiragairt os comhair na Cúirte Ginearálta: Tennis d’Aquitaine SAS (Ambares, an Fhrainc) (ionadaithe: A. Hinoux agus V. Le Coq de Kerland, Dlíodóirí)
Ábhar
Trína chaingean de bhun Airteagal 263 CFAE, iarrann an t-iarratasóir go gcuirfí an cinneadh ón Dara Bord Achomhairc d’Oifig Maoine Intleachtúla an Aontais Eorpaigh (EUIPO) an 3 Feabhra 2023 (Cás R 179/2022-2) ar neamhní.
An chuid oibríochúil
Cuirtear an cinneadh ón Dara Bord Achomhairc d’Oifig Maoine Intleachtúla an Aontais Eorpaigh (EUIPO) an 3 Feabhra 2023 (Cás R 179/2022-2) ar neamhní.
Ordaítear do EUIPO a costais féin a íoc.
Ordaítear do Tennis d’Aquitaine SAS a chostais féin, chomh maith leis na costais arna dtabhú ag Sports et loisirs (Casal sport) le linn na n-imeachtaí os comhair na Cúirte Ginearálta agus os comhair an Bhoird Achomhairc, a íoc.
____________
1 IO C 223, 26.6.2023.