Sentenza tal-Qorti Ġenerali (Is-Sitt Awla) tad-29 ta’ Marzu 2012 —
Poslovni Sistem Mercator vs UASI — Mercator Multihull (MERCATOR STUDIOS)

(Kawża T-417/09)

“Trade mark Komunitarja — Proċedimenti ta’ oppożizzjoni — Applikazzjoni għat-trade mark Komunitarja verbali MERCATOR STUDIOS — Trade marks nazzjonali u internazzjonali figurattivi preċedenti Mercator u Mercator Slovenska košarica — Raġuni relattiva għal rifjut — Assenza ta’ probabbiltà ta’ konfużjoni — Artikolu 8(1)(b) tar-Regolament (KE) Nru 207/2009 — Assenza ta’ effett ħażin fuq ir-reputazzjoni — Artikolu 8(5) tar-Regolament Nru 207/2009”

Trade mark Komunitarja — Definizzjoni u kisba tat-trade mark Komunitarja — Raġunijiet relattivi għal rifjut — Oppożizzjoni mill-proprjetarju ta’ trade mark preċedenti identika jew li tixxiebah irreġistrata għal prodotti jew servizzi identiċi jew li jixxiebhu — Probabbiltà ta’ konfużjoni mat-trade mark preċedenti (Regolament tal-Kunsill Nru 207/2009, Artikolu 8(1)(b)) (ara l-punti 23, 32)

Suġġett

Rikors ippreżentat kontra d-deċiżjoni tal-Ewwel Bord tal-Appell tal-UASI, tas-16 ta’ Lulju 2009 (Każ R 1031/2008‑1), dwar proċedimenti ta’ oppożizzjoni bejn Poslovni Sistem Mercator d.d. u Mercator Multihull, Inc.

Dispożittiv

1) Ir-rikors huwa miċħud.

2) Poslovni Sistem Mercator d.d. hija kkundannata għall-ispejjeż.