Caingean arna tabhairt an 29 Márta 2024 – an Ghearmáin v an Coimisiún
(Cás T-177/24)
Teanga an cháis: an Ghearmáinis
Páirtithe
Iarratasóir: Poblacht Chónaidhme na Gearmáine (ionadaithe: J. Möller agus R. Kanitz, Dlíodóirí)
Cosantóir: an Coimisiún Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
an cinneadh ón gCoimisiún Eorpach an 26 Eanáir 2024 maidir le Státchabhair SA.110055 (2024/N) – an Ghearmáin – Leasú ar CTÉ 1 agus laghduithe ar fhormhuirir leictreachais amach ón gcósta a chur ar neamhní, a mhéid a shonraítear an gurb ionann faoiseamh d’iarnróid
a) ó thobhach CTÉ 1 ,
b) ón tobhach gréasáin amach ón gcósta,
agus Státchabhair faoin Dlí maidir le Maoiniú Fuinnimh 1 agus
a ordú don chosantóir na costais a íoc.
Saincheisteanna dlí agus príomhargóintí
Mar thaca leis an gcaingean, ardaíonn na hiarratasóirí saincheist dlí amháin. Rinne an Coimisiún Eorpach earráid dlí agus Airteagal 107(1) CFAE á léiriú agus á chur i bhfeidhm trína chinneadh go bhfuair na gnóthais a ndearna an beart fógartha difear dóibh cabhair ón Stát nó trí bhíthin acmhainní Stáit. Níl an faoiseamh d’iarnróid ó thaobh CTÉ agus ón taobh gréasáin amach ón gcósta faoin Dlí maidir le Maoiniú Fuinnimh ina thobhach éigeantach de réir bhrí chásdlí na Cúirte. Níl na cistí arna mbailiú ó na hoibreoirí gréasáin faoi rialú comhsheasmhach an Stáit agus dá bhrí sin níl siad ar fáil don Stát.
____________
1 Comhghiniúint cumhachta agus teasa (‘CTÉ’).
1 Gesetz für die Erhaltung, die Modernisierung und den Ausbau der Kraft-Wärme-Kopplung (‘KWKG 2023’) (An Dlí maidir le comhghiniúint cumhachta agus teasa a chothabháil, a nuachóiriú agus a leathnú; ‘Dlí CTÉ’) an 21 Nollaig 2015 (BGBl. I p. 2498), arna achtú go deireanach ag Airteagal 9 de Dhlí an 20 Nollaig 2022 (BGBl. I lch. 2512), arna leasú.
1 Gesetz zur Finanzierung der Energiewende im Stromsektor durch Zahlungen des Bundes und Erhebung von Umlagen (EnFG) (An Dlí maidir leis an aistriú fuinnimh san earnáil leictreachais a mhaoiniú trí íocaíochtaí feidearálacha agus formhuirir a thobhach; ‘An Dlí maidir le maoiniú fuinnimh’) an 20 Iúil 2022 (BGBl. I lch. 1237, 1272), arna achtú go deireanach ag Airteagal 5 de Dhlí an 26 Iúil 2023 (BGBl. 2023 I Uimh. 202), arna leasú.