Iarraidh ar réamhrialú ón Hoge Raad der Nederlanden (an Ísiltír) a taisceadh an 15 Márta 2024 – KN v Raad van bestuur van de Sociale verzekeringsbank
(Cás C-203/24, Hakamp) 1
Teanga an cháis: an Ollainnis
An chúirt a rinne an tarchur
Hoge Raad der Nederlanden
Páirtithe sna príomhimeachtaí
Iarratasóir: KN
Cosantóir: Raad van bestuur van de Sociale verzekeringsbank
Na ceisteanna a tharchuirtear
Cad iad na himthosca nó na cineálacha imthosca atá iomchuí chun an cheist a mheasúnú ar bhonn Airteagal 14(8) den Rialachán Cur Chun Feidhme 1 an bhfuil an duine a shaothraíonn gníomhaíocht de ghnáth mar fhostaí in dá Bhallstát nó níos mó ag saothrú cuid shubstainteach dá ghníomhaíochtaí sa Stát cónaithe 22 % dá am oibre? An éilítear i ndáil leis sin: (i) imthoisc atá nasctha go díreach leis an saothrú gníomhaíochtaí (ii) tásc san imthoisc maidir leis an áit ina saothraítear na gníomhaíochtaí agus (iii) gur féidir conclúidí cainníochtúla a bhaint as an imthoisc maidir leis an ualach is féidir a thabhairt do na gníomhaíochtaí a shaothraítear sa Stát cónaithe i gcomparáid le hiomlán ghníomhaíochtaí an duine lena mbaineann?
An gcaithfear nó an féidir, i bhfianaise an fhreagra ar Cheist 1, na nithe seo a leanas a chur san áireamh sa mheasúnú: (i) áit chónaithe an fhostaí, (ii) áit chláraithe an bháirse ina saothraíonn an fostaí a ghníomhaíochtaí, (iii) áit bhunaíochta úinéir agus oibreoir an bháirse, (iv) an áit inar sheol an soitheach le linn tréimhsí eile nach raibh an fostaí ag obair ann agus nach raibh sé i seirbhís an fhostóra go fóill, (v) áit bhunaíochta an fhostóra, agus (vi) an áit ina dtéann an fostaí ar bord an tsoithigh agus ina dtagann sé i dtír ón soitheach?
Cad í an tréimhse atá le cur san áireamh chun a mheas go ndéanann fostaí cuid shuntasach dá ghníomhaíochtaí ina Stát cónaithe?
An bhfuil discréid ag comhlacht inniúil Ballstáit, agus an reachtaíocht is infheidhme á cinneadh, ar discréid í nach mór do na cúirteanna a urramú i dtaca leis an gcoincheap ‘cuid shuntasach dá ghníomhaíochtaí’ in Airteagal 13(1) den Bhunrialachán 1 agus más amhlaidh, cad é raon feidhme na discréide sin?
____________
1 Is ainm bréige é ainm an cháis seo. Ní fhreagraíonn sé d’fhíorainm aon pháirtí sna príomhimeachtaí.
1 Rialachán (CE) Uimh. 987/2009 ó Pharlaimint na hEorpa agus ón gComhairle an 16 Meán Fómhair 2009 lena leagtar síos an nós imeachta chun Rialachán (CE) Uimh. 883/2004 maidir le comhordú na gcóras slándála sóisialta a chur chun feidhme (IO 2009 L 284, lch. 1).
1 Rialachán (CE) Uimh. 883/2004 ó Pharlaimint na hEorpa agus ón gComhairle an 29 Aibreán 2004 maidir le comhordú na gcóras slándála sóisialta (IO 2004 L 166, lch. 1).