Rikors ippreżentat fid-29 ta’ Frar 2024 – Il-Ġermanja vs Il-Kummissjoni

(Kawża T-132/24)

Lingwa tal-kawża: il-Ġermaniż

Partijiet

Rikorrent: Ir-Repubblika Federali tal-Ġermanja (rappreżentanti: J. Möller u R. Kanitz)

Konvenut: Il-Kummissjoni Ewropea

Talbiet

Ir-rikorrenti titlob li l-Qorti Ġenerali jogħġobha,

tannulla d-deċiżjoni tal-Kummissjoni Ewropea tad-19 ta’ Diċembru 2023 dwar l-għajnuna mill-Istat SA.103196 (2023/N) – Germany – Amendment to aid schemes SA.42393 (2016/C) – Reduced CHP¹ surcharge for energy intensive users u l-għajnuna mill-Istat SA.49416 (2017/N) – Reduced offshore surcharge for electrointensive undertakings, sa fejn tiddikjara li l-eżenzjonijiet favur kumpanniji elettro-intensivi

a) tat-tariffa KWKG¹ ,

b) tat-tariffa offshore

jikkostitwixxu għajnuna mill-Istat skont l-Energiefinanzierungsgesetz (il-Liġi dwar il-Finanzjament tal-Enerġijia); u

tikkundanna lill-konvenuta għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka motiv wieħed. Hija ssostni li l-Kummissjoni Ewropea wettqet żball ta’ liġi fl-interpretazzjoni u fl-applikazzjoni tal-Artikolu 107(1) TFUE meta kkonstatat li l-kumpanniji affettwati mill-miżura nnotifikata bbenefikaw minn għajnuna mogħtija mill-Istat Membru jew minn riżorsi tal-Istat. L-eżenzjonijiet favur kumpanniji elettro-intensivi tat-tariffa KWKG u tat-tariffa offshore skont l-EnFG ¹ ma jikkostitwixxux kontribuzzjoni obbligatorja fis-sens tal-ġurisprudenza tal-Qorti tal-Ġustizzja. Barra minn hekk, il-fondi miġbura mill-operaturi tan-network ma humiex ikkontrollati pubblikament b’mod kostanti u għalhekk ma humiex disponibbli għall-Istat.

____________

¹ Combined heat and power (CHP) (Koġenerazzjoni ta’ enerġija elettrika u termika, KEET).

¹ Gesetz für die Erhaltung, die Modernisierung und den Ausbau der Kraft-Wärme-Kopplung (Kraft-Wärme-Kopplungsgesetz – KWKG 2023) (il-Liġi dwar il-Manutenzjoni, il-Modernizzazzjoni u l-Iżvilupp ta’ Impjanti ta’ Koġenerazzjoni ta’ Enerġija Elettrika u Termika) (il-Liġi dwar l-Impjanti ta’ Koġenerazzjoni ta’ Enerġija Elettrika u Termika – KWKG 2023), tal-21 ta’ Diċembru 2015 (BGBl. I p. 2498), kif emendata l-aħħar bl-Artikolu 9 tal-Liġi tal-20 ta’ Diċembru 2022 (BGBl. I p. 2512).

¹ Gesetz zur Finanzierung der Energiewende im Stromsektor durch Zahlungen des Bundes und Erhebung von Umlagen (Energiefinanzierungsgesetz – EnFG) (il-Liġi dwar il-Finanzjament tat-Tranżizzjoni Enerġetika fis-Settur tal-Enerġija Elettrika permezz ta’ Pagamenti mill-Istat Federali u ta’ Impożizzjoni ta’ Tariffi) (il-Liġi dwar il-Finanzjament tal-Enerġija – EnFG) tal-20 ta’ Lulju 2022 (BGBl. I p. 1237, 1272), kif emendata l-aħħar bl-Artikolu 5 tal-Liġi tas-26 ta’ Lulju 2023 (BGBl. 2023 I Nru 202).