Sentenza tal-Qorti Ġenerali tal-14 ta' Ġunju 2012 - Stichting Natuur en Milieu u Pesticide Action Network Europe vs Il-Kummissjoni
(Kawża T-338/08)
"Ambjent - Regolament (KE) Nru 1367/2006 - Limiti massimi applikabbli għar-residwi ta' pestiċidi - Talba għal eżami intern mill-ġdid - Rifjut - Miżura ta' portata individwali - Validità - Konvenzjoni ta' Aarhus"
Lingwa tal-kawża: l-Olandiż
Partijiet
Rikorrenti: Stichting Natuur en Milieu (Utrecht, l-Olanda) u Pesticide Action Network Europe (Londra, ir-Renju Unit) (rappreżentanti: B. Kloostra u A. van den Biesen, avukati)
Konvenuta: Il-Kummissjoni Ewropea, (rappreżentanti: inizjalment minn B. Burggraaf u S. Schønberg, sussegwentement minn B. Burggraaf u P. Oliver, aġenti)
Intervenjenti insostenn tal-konvenuta: Ir-Repubblika tal-Polonja (rappreżentanti: inizjalment minn M. Dowgielewicz, sussegwentement minn M. Szpunar, aġenti); u l-Kunsill tal-Unjoni Ewropea (rappreżentanti: K. Michoel u B. Driessen, aġenti)
Suġġett
Talba għall-annullament tad-deċiżjonijiet tal-Kummissjoni, tal-1 ta' Lulju 2008, li jiċħdu bħala inammissibbli t-talbiet tar-rikorrenti għal eżami intern mill-ġdid tar-Regolament tal-Kummissjoni (KE) Nru 149/2008, tad-29 ta' Jannar 2008, li jemenda r-Regolament (KE) Nru 396/2005 tal-Parlament Ewropew u tal-Kunsill billi jistabbilixxi l-Annessi II, III u IV li jistipulaw il-livelli massimi ta' residwi għall-prodotti koperti mill-Anness I tiegħu (ĠU L 58, p. 1).
Dispożittiv
1) Id-deċiżjonijiet tal-Kummissjoni, tal-1 ta' Lulju 2008, li jiċħdu bħala inammissibbli t-talbiet ta' Stichting Natuur en Milieu u ta' Pesticide Action Network Europe intiżi sabiex hija teżamina mill-ġdid ir-Regolament tal-Kummissjoni (KE) Nru 149/2008, tad-29 ta' Jannar 2008, li jemenda r-Regolament (KE) Nru 396/2005 tal-Parlament Ewropew u tal-Kunsill billi jistabbilixxi l-Annessi II, III u IV li jistipulaw il-livelli massimi ta' residwi għall-prodotti koperti mill-Anness I tiegħu, huma annullati.
2) Il-Kummissjoni Ewropea hija kkundannata tbati, minbarra l-ispejjeż tagħha, dawk sostnuti minn Stichting Natuur en Milieu u minn Pesticide Action Network Europe.
3) Ir-Repubblika tal-Polonja u l-Kunsill tal-Unjoni Ewropea għandhom ibatu l-ispejjeż rispettivi tagħhom.
____________1 - ĠU C 301, 22.11.2008.