Iarraidh ar réamhrialú ó Okresní soud v Teplicích (Poblacht na Seice) a taisceadh an 20 Samhain 2023 – Innogy Energie, s.r.o. v QS
(Cás C-749/23, Innogy Energie)
Teanga an cháis: an tSeicis
An chúirt a rinne an tarchur
Okresní soud v Teplicích
Páirtithe sna príomhimeachtaí
Iarratasóir: Innogy Energie, s.r.o.
Cosantóir: QS
Na ceisteanna a tharchuirtear:
An gcuirtear cosc le bunbhrí agus críoch Threoir 93/13/CEE 1 ar léiriú a dhéanamh ar Airteagal 3 di, agus mír 1(3) den Iarscríbhinn a ghabhann léi, a bhaineann le téarmaí éagóracha conartha i conarthaí tomhaltóra, arna léamh i gcomhar le hAirteagal 5 di a bhaineann le téarmaí scríofa a dhréachtaítear go soiléir sothuigthe agus le phrionsabal na héifeachtachta de réir Airteagal 7 di, amhail go meastar gur gnáthchuid de chonradh scríofa idir an tomhaltóir agus an soláthróirí é pionós conartha a leagtar amach sa chuid ‘Forálacha Eile’ ar leathanach 1/2 de chonradh cloí (an céad leathanach den chonradh), fiú i gcás (mar atá ar neamhréir le gnáthghnás conarthaí tomhaltóra) nach bhfuil aon sonraí sa leathanach sin lena bhfuil na páirtithe inaitheanta, nach bhfuil aon rud le líonadh go fisiciúil agus a bhfuil an pionós conartha sa roinn ‘Forálacha Eile’, ar foráil gan tábhacht í de réir dealraimh, a mhéid a bhféadfaí a cheangal ar an tomhaltóir eolas cuí a chur ar an leathanach sin den chonradh, i gcás ina dtugtar le fios go leis an dara leathanach den chonradh (2/2), atá líonta agus sínithe i dáiríre, gurb é sin an dara leathanach den chonradh trí 2/2 a mharcáil air?
An gcuirtear cosc le bunbhrí agus críoch Threoir 93/13/CEE ar léiriú a dhéanamh ar Airteagal 3 di i gcomhar le mír 1(e) den Iarscríbhinn a ghabhann léi, agus/nó Airteagal 12(3) de Threoir (AE) Uimh. 2019/944 1 ó Pharlaimint ha hEorpa agus ón gComhairle amhail, i gcás ina bhfoirceannann soláthróirí conradh fuinnimh praghais sheasta ar théarma sheasta toisc gur sháraigh an tomhaltóir oibleagáid, nach cinntitheach méid an fhíorchaillteanais eacnamaíochta dhírígh arna thabhú ag an soláthróirí mar gheall ar luathfhoirceannadh an chonartha leis an tomhaltóir?
____________
1 Treoir 93/13/CEE ón gComhairle maidir le téarmaí éagóracha i gconarthaí tomhaltóra (IO 1993 L 95, lch. 29).
1 Treoir (AE) 2019/944 ó Pharlaimint na hEorpa agus ón gComhairle an 5 Meitheamh 2019 maidir le rialacha comhchoiteanna don mhargadh inmheánach don leictreachas agus lena leasaítear Treoir 2012/27/AE (IO 2019 L 158, lch. 125).