Rikors ippreżentat fis-6 ta' Frar 2012 - Euroscript - Polska vs Il-Parlament
(Kawża T-48/12)
Lingwa tal-kawża: il-Franċiż
Partijiet
Rikorrenti: Euroscript - Polska Sp. z o.o. (Kraków, Polonja) (rappreżentant: J. F. Steichen, avukat)
Konvenut: Il-Parlament Ewropew
Talbiet
primarjament tannulla d-deċiżjoni tad-9 ta' Settembru 2011;
sussidjarjament tannulla s-sejħa għal offerti Nru PL/2011/EP;
tikkundanna lill-Parlament għall-ispejjeż tar-rikors;
tirriżerva favur ir-rikorrenti dawk id-drittijiet, il-motivi u l-azzjonijiet l-oħra kollha.
Motivi u argumenti prinċipali
Insostenn tar-rikors tagħha, ir-rikorrenti tinvoka żewġ motivi.
L-ewwel motiv ibbażat fuq l-użu ħażin ta' poter billi l-Parlament Ewropew naqas milli jikkomunika jew, rispettivament, ikkomunika tard l-informazzjoni mitluba mir-rikorrenti wara l-allokazzjoni mill-ġdid tal-kuntratt fil-kuntest ta' proċedura ta' sejħa għal offerti dwar il-provvista ta' servizzi ta' traduzzjoni għall-Pollakk
2.
It-tieni motiv ibbażat fuq ksur tar-regoli u tal-prinċipji tal-Unjoni Ewropea, fosthom ir-Regolament Finanzjarju u r-regolament ta' implimentazzjoni tar-Regolament Finanzjarju , billi fil-mument li l-offerent magħżul talab rievalwazzjoni tal-offerta tiegħu, iż-żmien kien diġa skada u peress li l-Parlament Ewropew ma setax imur lura mid-deċiżjoni tiegħu li jagħti l-kuntratt lir-rikorrenti sakemm ma jissospendix jew jannulla s-sejħa għal offerti.
____________1 - ĠU 2011/S 56-090361.2 - Regolament tal-Kunsill (KE, Euratom) Nru 1605/2002, tal-25 ta' Ġunju 2002, dwar ir-Regolament Finanzjarju li jgħodd għall-baġit ġenerali tal-Komunitajiet Ewropej (ĠU Edizzjoni Speċjali bil-Malti, Kapitolu 1, Vol. 4, p. 74).3 - Regolament tal-Kummissjoni (KE, Euratom) Nru 2342/2002, tat-23 ta' Diċembru 2002, li jippreskrivi regoli ddettaljati għall-implimentazzjoni tar-Regolament Finanzjarju tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li jgħodd għall-baġit ġenerali tal-Komunitajiet Ewropej (ĠU Edizzjoni Speċjali bil-Malti, Kapitolu 1, Vol. 4, p. 145).