Sentenza tal-Qorti Ġenerali tat-23 ta’ Settembru 2015 – Il-Pajjiżi l-Baxxi vs Il-Kummissjoni
(Kawżi magħquda T-261/13 u T-86/14) 1
[“HICP – Regolament (KE) Nru 2494/95 – Indiċijiet armonizzati tal-prezzijiet tal-konsum fuq rati tat-taxxa kostanti (HICP-CT) – Regolament (UE) Nru 119/2013 – Indiċijiet tal-prezzijiet tal-abitazzjonijiet okkupati mis-sidien – Regolament (UE) Nru 93/2013 – Eurostat – Komitoloġija – Miżuri ta’ implementazzjoni – Proċedura regolatorja bi skrutinju”]
Lingwa tal-kawża: l-Olandiż
Partijiet
Rikorrent: Ir-Renju tal-Pajjiżi l-Baxxi (rappreżentanti: fil-kawża T-261/13, M. Bulterman, J. Langer u B. Koopman, u fil-kawża T-86/14, M. Bulterman u J. Langer, aġenti)
Konvenuta: Il-Kummissjoni Ewropea (rappreżentanti: M. Clausen u P. Van Nuffel, aġenti)
Suġġett
Fil-kawża T-261/13, prinċipalment, talba għall-annullament tar-Regolament tal-Kummissjoni (UE) Nru 119/2013, tal-11 ta’ Frar 2013, li jemenda r-Regolament (KE) Nru 2214/96 li jikkonċerna indiċi armonizzati tal-prezzijiet għall-konsumatur (HICP): trasmissjoni u tixrid ta’ sottoindiċi tal-HICP, rigward l-istabbiliment tal-indiċijiet armonizzati tal-prezzijiet tal-konsum fuq rati tat-taxxa kostanti (ĠU L 41, p. 1) u, sussidjarjament, talba għall-annullament tal-punt 2 tal-Artikolu 1 tar-Regolament Nru 119/2013, kif ukoll, fil-kawża T-86/14, prinċipalment, talba għall-annullament tar-Regolament tal-Kummissjoni (UE) Nru 93/2013, tal-1 ta’ Frar 2013, li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 2494/95 dwar l-indiċijiet armonizzati tal-prezzijiet għall-konsumatur, fir-rigward tal-iffissar ta’ indiċijiet tal-prezzijiet tal-abitazzjonijiet okkupati mis-sidien (ĠU L 33, p. 14) u, sussidjarjament, talba għall-annullament tal-Artikolu 4(1) tar-Regolament Nru 93/2013.DispożittivFil-Kawża T-261/13, il-punt 2 tal-Artikolu 1 tar-Regolament tal-Kummissjoni (UE) Nru 119/2013, tal-11 ta’ Frar 2013, li jemenda r-Regolament (KE) Nru 2214/96 li jikkonċerna indiċi armonizzati tal-prezzijiet għall-konsumatur (HICP): trasmissjoni u tixrid ta’ sottoindiċi tal-HICP, rigward l-istabbiliment tal-indiċijiet armonizzati tal-prezzijiet tal-konsum fuq rati tat-taxxa kostanti, huwa annullat.Fil-Kawża T-86/14, l-Artikolu 4(1) tar-Regolament tal-Kummissjoni (UE) Nru 93/2013, tal-1 ta’ Frar 2013, li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 2494/95 dwar l-indiċijiet armonizzati tal-prezzijiet għall-konsumatur, fir-rigward tal-iffissar ta’ indiċijiet tal-prezzijiet tal-abitazzjonijiet okkupati mis-sidien, huwa annullat.Il-Kummissjoni Ewropea għandha tbati l-ispejjeż tagħha kif ukoll dawk sostnuti mir-Renju tal-Pajjiżi l-Baxxi.
____________1 ĠU C 189, 29.6.2013.