Rikors ippreżentat fit-23 ta' Frar 2010 - Chestnut Medical Technologies vs UASI (PIPELINE)
(Kawża T-87/10)
Lingwa tal-kawża: l-Ingliż
Partijiet
Rikorrenti: Chestnut Medical Technologies, Inc. (Menlo Park, L-Istati Uniti) (rappreżentanti: R. Kunz-Hallstein, H. Kunz-Hallstein, avukati)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Talbiet tar-rikorrenti
tannulla d-deċiżjoni tat-Tieni Bord tal-Appell tal-Uffiċċju għall-Armonizzazzjoni fis-Suq Intern (Trade marks u Disinni), tal-10 ta' Diċembru 2009, fil-Każ R 968/2009-2; u
tikkundanna lill-konvenut għall-ispejjeż.
Motivi u argumenti prinċipali
Trade mark Komunitarja kkonċernata: it-trade mark verbali "PIPELINE" għal prodotti fil-klassi 10
Deċiżjoni tal-eżaminatur: applikazzjoni għal trade mark Komunitarja miċħuda
Deċiżjoni tal-Bord tal-Appell: appell miċħud
Motivi invokati: ksur tal-Artikolu 7(1)(ċ) tar-Regolament tal-Kunsill Nru 207/2009, peress li l-Bord tal-Appell żbalja meta kkonstata li t-trade mark Komunitarja kkonċernata għandha karattru deskrittiv; ksur tal-Artikolu 75 tar-Regolament tal-Kunsill Nru 207/2009 peress li l-Bord tal-Appell, billi injora l-argumenti mressqa mir-rikorrenti, kiser l-obbligu ta' motivazzjoni li fuqha ġiet ibbażata d-deċiżjoni.
____________