Caingean arna tabhairt an 24 Samhain 2023 – Ferrari v EUIPO – Hesse (TESTAROSSA)

(Cás T-1103/23)

Teanga inar taisceadh an t-iarratas: an Béarla

Páirtithe

Iarratasóir: Ferrari SpA (Modena, an Iodáil) (ionadaithe: K. Muraro, G. Russo agus C. Comolli Acquaviva, Dlíodóirí)

Cosantóir: Oifig Maoine Intleachtúla an Aontais Eorpaigh (EUIPO)

Páirtí eile sna himeachtaí os comhair an Bhoird Achomhairc: Kurt Hesse (Nurnberg, an Ghearmáin)

Sonraí na n-imeachtaí os comhair EUIPO

Dílseánach an trádmhairc faoi cheist: Iarratasóir os comhair na Cúirte Ginearálta

Trádmharc atá faoi cheist: Clárú idirnáisiúnta lena n-ainmnítear an tAontas Eorpach i ndáil le focalmharc “TESTAROSSA” – Clárú idirnáisiúnta lena n-ainmnítear an tAontas Eorpach Uimh. 910 752

Nós imeachta os comhair EUIPO: Imeachtaí maidir le cealú

Cinneadh atá faoi chonspóid: Cinneadh ón gcúigiú Bord Achomhairc de EUIPO an 29 Lúnasa 2023 i gCásanna uamtha R 334/2017-5 agus R 343/2017-5

An t-ordú atá á lorg

Iarrann an t-iarratasóir ar an gCúirt Ghinearálta:

an cinneadh atá faoi chonspóid a chur ar neamhní; nó

an cinneadh atá faoi chonspóid a athrú sa mhéid go gcuimsíonn fíorúsáid an trádmhairc‘gluaisteáin’ agus ‘páirteanna struchtúracha agus athsholáthair, comhpháirteanna agus gabhálais (gluaisteáin) atá ar áireamh san aicme seo; innill’;

a ordú do EUIPO agus an páirtí eile sna himeachtaí os comhair an Bhoird Achomhairc costais na n-imeachtaí os comhair an Bhoird Achomhairc agus costais na n-imeachtaí seo a íoc.

Saincheist dlí arna maíomh

Sárú ar Airteagal 58(1)(a) de Rialachán (AE) 2017/1001 ó Pharlaimint na hEorpa agus ón gComhairle.

____________